Вкусен коктел за крај на летото: Шејк од банана со рум

Ги одбројуваме последните денови од летото, но тоа не значи дека не можеме да се освежиме со некој вкусен коктел.

Иако е калоричен, овој интересен шејк од банана ќе ве освежи и ќе ве подготви за есенските денови што претстојат. Се подготвува брзо и лесно.

Потребни состојки:

• 2 банани со средна голема (може да бидат и замрзнати)
• една мала чашка рум (ставете рум во чашка за ракија)
• една лажичка кафеав шеќер
• половина лажичка цимет
• мраз
• шлаг (по желба)

Подготовка:

Сите состојки ставете ги во блендер. Подготвениот пијалак послужете го во висока чаша со цевка. Овој коктел е уште повкусен ако одозгора ставите прелив од карамела.

М. В. | Црнобело