Дали чајот го консумирате на правилен начин?

Без разлика дали сакате црн, зелен, бел или билен чај, секогаш треба правилно да го консумирате, за да можете максимално да ги искористите здравствените придобивки.

Прво правило што треба да го испочитувате е да не додавате шеќер и млеко. Исто така, имајте на ум дека купениот чај, колку и да е вкусен, секогаш содржи 80-100 калории, како и вештачки шеќери, ароми и адитиви за подобрување на вкусот.

Наспроти тоа, чајот подготвен дома има нула калории. Млекото ги поништува корисните состојки во чајот, но додава и калории, така што, доколку ви е важно да ги искористите здравите состојки и притоа да не ја нарушите својата линија, не додавајте млеко.

Во случај да сакате благ чај, наместо со шеќер додајте мед, но никогаш во врел чај. Доколку медот го ставите во врела, штотуку зовриена, вода, истиот ги губи сите свои хранливи и лековити својства.

С. У. | Црнобело