Топли пијалаци за побрз метаболизам: 3 чаеви кои ги топат масните наслаги

Чаевите благотворно делуваат на целокупната здравствена состојба, а некои од нив можат да помогнат во слабеењето и топењето на масните наслаги.

Чајот можеби не е првото нешто што би го препорачал нутриционист како дел од секојдневната исхрана, но секако, препорачливо е да го консумирате поради здравствените придобивки.

Доколку сакате да ги воведете во своето секојдневно мени, во продолжение прочитајте кои чаеви ќе влијаат на вашата линија:

Зелен чај - поради антиоксидансите кои ги содржи често се препорачува да го пијат оние кои се на режим на исхрана за слабеење.

Подобра варијанта е чајот мача, односно зелен чај во прав, во којшто корисните состојки се со далеку поголема концентрација. Состојката катеин е антиоксиданс којшто може дури и да го намали создавањето на масните клетки.

Сепак, внимавајте на дневната доза, една шолја зелен чај изутрина е сосема доволна.

Црн чај - се добива од растението чај, со ферментирање на листовите. Варијантите како улонг и пу-ер се богати со кофеин, којшто го забрзува метаболизмот.

Иако, многумина ќе ви потенцираат дека црниот чај е одличен во комбинација со млеко, нутриционистите советуваат да не го консумирате на овој начин.

Чај од нане – познат е по тоа што го подобрува варењето на храната, а влијае и на намалување на апетитот.

Доколку не сте голем љубител на чист чај од нане, можете да додадете неколку ливчиња нане во млака вода со лимон, во оваа комбинација нането нема многу интензивен вкус.

С. У. | Црнобело