Природен тоник за енергија кога најмногу ви е потребна

Доаѓа 3 часот попладне и веќе немате трпение да заминете дома. Работните обврски се таложат, но не сте баш расположени да ги завршите, особено не кога енергијата ви е на минимум и работното време е при крај.

Во вакви ситуации најчесто посегнуваме по нешто слатко или шолја кафе, но постои пијалак кој е одлична природна опција да си ја вратите енергијата.

Медот ќе ги задоволи и двете потреби, кокосовата вода ќе го хидрира организмот, а солта делува како природен електролит - овој тоник ќе го подготвите за две минути.

Потребни состојки:

• 2 шолји кокосова вода
• Сок од 2 лимети
• Сок од 1 лимон
• ⅛ лажичка сол
• 1 голема лажица мед

Начин на подготовка:

Ставете ги сите состојки во блендер. Блендирајте додека не се стопи медот.

Испијте веднаш или чувајте го пијалакот во фрижидер најмногу 3 дена.

А. Ш. | Црнобело