Зошто треба да пиете сок од краставица?

Зелените сокови се секогаш хит, иако трендот константно се менува во однос на тоа кои намирници се актуелни. Прво беше сокот од кељ, потоа оној од целер, а најнова вест е сокот од краставици.

Краставиците може да ви изгледаат како чиста вода (што всушност е дел од она што ги прави толку хранливи), но тие исто така се полни со витамини и минерали кои помагаат при детоксификација, го подобруваат варењето на храната и се борат со воспаленијата во организмот. Слично како и сокот од целер.

Зошто започнувањето на денот со џиновска чаша свеж зелен сок е добро за вас:

Кои се придобивките?

Краставицата го алкализира телото. Тоа е едно од тие јадења што помагаат во одржување на рамнотежата на нивото на pH во организмот и ги спречуваат ефектите на киселата исхрана. Дополнително, се смета дека правилно избалансираното ниво на pH го намалува нивото на лептин, главниот хормон поврзан со глад.

Бидејќи телото е во состојба лесно да ги свари хранливите состојки во течна форма, ова е една од причините зошто краставиците се популарна состојка во зелените сокови.

Сокот од краставица е идеален начин за правилно хидрирање на телото, бидејќи содржи корисни електролити кои имаат способност да донесат хранливи материи длабоко во клетките и ткивата, што го прават далеку поефикасен од водата.

Кој е најдобриот начин да се пие сок од краставици?

Две големи краставици ќе дадат околу 400 милилитри сок, што е сосема доволно како дневна доза.

Сок од краставици најдобро се консумира чист, со растојание од околу дваесет до триесет минути од другите оброци. Како и сокот од целер, сокот од краставици може да се конзумира и во комбинација со други состојки.

Сѐ се базира на вашиот личен вкус и не постојат правила, па така доколку сте љубител на слатки вкусови, слободно додадете и парчиња од вашето омилено овошје.

А. Ш. | Црнобело