Енергетско смути за брзо расонување

Авокадото е енергетска бомба полна со хранливи материи, и не само што дава кремаста текстура на оброците во кои го вклучувате, туку ви обезбедува и солидна количина на калиум, витамин Б и магнезиум.

Токму затоа е пожелно почесто да го конзумирате и да го користите како основна намирница за вашето утринско смути.

Овој рецепт за смути е одличен избор во утрата кога мора брзо да се расоните. Можно е да го почувствувате како тежок напиток, па затоа испијте неколку голтки, а остатокот чувајте го во фрижидер за подоцна.

Може да додадете манго или ананас за уште повеќе свежина, или друго омилено овошје.

Потребни состојки:

• 1 чаша (250 мл) сок од портокал
• 100g авокадо исечкано на парчиња
• 1 банана
• 1 лажица протеин во прав без шеќер и без вкус
• 1 лажица чиа семе

Начин на подготовка:

Во блендер на голема брзина изблендирајте ги сокот, авокадото, бананата и протеинот додека не добиете кремаста текстура. Додадете вода по потреба. Одозгора наросете чиа семе.

А. Ш. | Црнобело