Еликсир на здравјето – како дa подготвите вкусен ликер од аронија?

Аронија потекнува од Северна Америка и од сибирските земји. Богата е со состојки кои ни помагаат во борбата против инфекции, го спречува стареењето на клетките, и е одличен извор на растителни влакна и витамини.

Eliksir na zdravjeto kako da podgotvite vkusen i mirisen liker od aronija 01

Иако има горчлив вкус, дефинитивно треба да ја вклучиме во нашата исхрана што е можно почесто. Бобинките од аронија се јадат свежи, но можат да се користат и во многу рецепти, од сокови и џемови до разни ликери.

Како да подготвите вкусен и мирисен ликер од аронија?

Состојки:

500 g бобинки од аронија
350 g шеќер
1 l црвено вино
150 ml рум
1 стапче цимет
1 каранфилче
1 стапче ванила

Eliksir na zdravjeto kako da podgotvite vkusen i mirisen liker od aronija 02

Подготовка:

Во голем сад истурете го виното, па додадете шеќер, аронија и други зачини. Варете го виното околу 15 минути, додека шеќерот целосно не се раствори. Извадете го садот и оставете ја течноста да се олади, а потоа додајте го румот и измешајте.

Истурете ја течноста во стерилизирани шишиња (заедно со бобинките и зачините), затворете го и оставете да отстои најмалку 4 недели. Од време на време промешајте ја содржината на шишето.

Ликерот се служи ладен.

Ашера | Црнобело

Би можело да ве интересира:

3 лесни рецепти за вода со вкус - најдобра хидратација во текот на летните денови Водата со овошје, билки или ѓумбир нема да го исчисти телото од токсини, но е од...