Највкусното есенско смути - комбинација од тиква и јаболко

Го откривме совршениот рецепт за највкусно есенско смути кое одлично ги комбинира есенските вкусови на тиква и јаболко.

Доколку сакате да уживате во здрава, но сепак вкусна ужинка топло ви го препорачуваме ова смути од кое „прсти ќе излижете“.

Во продолжение прочитајте го рецептот, а исто така погледнете го и видеото:

Состојки:

• ¼ шолја овесни снегулки
• ½ шолја пире од тиква
• 1 средно големо јаболко
• 1 банана исечкана на парчиња
• 1 лажиче мед
• ¾ шолја јогурт
• ½ шолче млеко
• ½ лажиче мелен цимет
• 1 лажиче екстракт од ванила
• 6 коцки мраз

Најпрво ставете го овесот во блендерот сам да се блендира околу 30 секунди, додека не се исецка ситно, а потоа додадете ги останатите состојки и блендирајте се додека смесата не се изедначи и уживајте во вкусот!

Т. Ѓ. | Црнобело