Топло чоколадо со рум од кое сите ќе сакаат уште една чаша
Во текот на зимските вечери сите сакаме да се стуткаме во омиленото поларно ќебенце и да си ја земеме омилената шолја полна со нешто топло, вкусно, благо.
Во овој случај, топлиот пијалак на кој ќе се „навлечете“ има малку чоколадо, малку рум и цимет колку што вие сакате.
Супер е за послужување со путер колачиња, а пријателите сигурно ќе ви побараат уште една чаша.
Во случај да го бараат и рецептот, ќе го најдат тука:
Потребни состојки:
- 1,5 l млеко
- 250 g сечкано црно чоколадо
- 200 ml слатка павлака
- 1 мала лажичка цимет во прав
- 5 големи лажици рум
Подготовка:
- Во голем сад ставете го млекото, слатката павлака, румот и циметот. Загрејте до степен на вриење и потоа тргнете од оган.
- Кога ќе го тргнете садот, веднаш додадете го исечканото чоколадо. Добро мешајте додека целото чоколадо не се стопи и течноста не згусне.
- Прелијте во стаклени чаши и украсете со шлаг, рендано чоколадо или уште цимет.
М. Д. | Црнобело
Би можело да ве интересира:
3 лесни рецепти за вода со вкус - најдобра хидратација во текот на летните денови
Водата со овошје, билки или ѓумбир нема да го исчисти телото од токсини, но е од...
Препорачуваме
Најчитани неделава
