Џин-тоник со праска – освежителен пијалак за топлите денови што мора да го пробате

Доволно е да додадете само неколку парчиња праска за омилениот летен коктел да стане уште повкусен.

dzhin-tonik-so-praska-osvezhitelen-pijalak-za-toplite-denovi-shto-mora-da-go-probate-01.jpg

Поради суптилниот вкус, џинот е одличен за приготвување алкохолни коктели и лесно можете да го комбинирате со секакви вкусови.

Праските и нектарините, пак, се синоним за лето, па се одличен додаток во летните коктели.

Џин-тоникот е можеби еден од најпопуларните коктели и е мошне едноставен за приготвување, а ако му додадете и праска, ќе добиете навистина вкусен пијалак кој ќе ве освежи во топлите денови.

Потребни состојки:

1 мала праска или нектарина
2 лажици сок од лимета
60 милилитри џин
Тоник
Неколку ливчиња свежо нане

Начин на подготовка:

Измијте ја праската и исечете ја на тенки парчиња.
Во шејкер ставете ги праската и сокот од лиметата и добро промешајте за да се измешаат вкусовите.
Додајте го џинот и повторно добро промешајте.
Во чаша ставете неколку коцки мраз и истурете го пијалакот од шејкерот. На крај додајте го тоникот и украсете со ливчиња нане и нови исечени парчиња праска.

Спирова С. | Црнобело

Би можело да ве интересира:

3 лесни рецепти за вода со вкус - најдобра хидратација во текот на летните денови Водата со овошје, билки или ѓумбир нема да го исчисти телото од токсини, но е од...