3 предлог мезиња за со ракија од Сашка - домаќинка од Куманово, на која готвењето ѝ е страст

„За мене мезето не е само предјадење – тоа е доживување, опуштено дружење преку храна. А најважната состојка за добро мезе се добрите луѓе со кои го делиш. Искрено, најдобриот партнер за мезе ми е мојот сопруг...“, вели Сашка од Куманово.

Сашка од Куманово ужива во улогите на сопруга, мајка и домаќинка. Таа е мајка на Никола и повеќе од една деценија е во среќен брак.

Сашка не е во работен однос и вели дека грижата за семејството и домот ѝ е најубавата обврска во животот.

Покрај готвењето, најголемо задоволство ѝ е мезењето со сопругот со чашка студена ракија.

Таа за CRNOBELO.com ги открива нејзините топ 3 предлози за мезе.

Сашка шеговито објаснува што значи зборот „мезе“:

„Да се знае: најголемото балканско откритие е мезето и точка.

Јадеш, а не јадеш. Не јадеш, а сит си. Сит си, а можеш уште!

Малку шега, но шегата е половина здравје, а за другата половина ви треба малку ракија и добро мезе.

За мене мезето не е само предјадење – тоа е доживување, опуштено дружење преку храна. А најважната состојка за добро мезе се добрите луѓе со кои го делиш.

Искрено, најдобриот партнер за мезе ми е мојот сопруг.

Секогаш кога имам слободно време, го отворам фрижидерот и според тоа што ќе најдам, правам мезе – без рецепт, затоа што највкусното мезе се прави од срце“.

Нејзините три предлози за мезе со студена ракија:

Макало со грчки јогурт, краставици, печени пиперки, ореви, нане, копар и маслиново масло. 

Продолжува на следната страница...