Јајца, путер - Како да откриете дали може да ја јадете храната што ви стои долго?

Путер

Освен преку датумот на употреба, мувлата и променетата боја, постои уште еден начин да откриете дали путерот е добар за консумирање или не.

Ако површината е леплива или има интензивна жолта боја, тогаш путерот оксидирал.

Но, добрата работа е што во овој случај можете само да го отстраните оксидираниот дел, а остатокот е добар за консумирање.

Оцет

Иако е научно докажано дека оцетот не се расипува и има бесконечен рок на употреба, ако не го чувате соодветно, тој ќе ги смени бојата и вкусот.

Затоа, фрлете го ако почне да потемнува или ако во него почнат да лебдат парченца.

Но, ако во самиот оцет почнат да се создава лигава смеса, која ја предизвикува безопасна бактерија која се храни од алкохолните течности, не мора да го фрлате, туку само извадете ја и продолжете да го користите.

Риба

За да дознаете дали рибата е свежа, освен преку мирис, можете да користите трикови со допир или визуелни трикови.

Рибата е добра за јадење ако кожата има светла металик боја. Но, почнала да се расипува ако ја менува бојата на кожата или се појавиле точки.

Ако жабрите на рибата се светло црвени и влажни, тогаш е свежа. Не ја јадете ако жабрите се суви и кафеави. Исто така, не треба да ја јадете и ако се појави млечна течност околу жабрите.

Ако очите на рибата се сјајни и јасни, таа е свежа, но ако се замаглени, таа веќе почнува да се расипува.

Ако ја допрете рибата со прст и таа за неколку секунди се врати во првобитната положба, тогаш е свежа.

А. Ј. | Црнобело