Maкедонски нутриционист одговара за CRNOBELO: „Дали е поздраво овошје или смути и цедени сокови?“

Дали пиењето на овошјето е исто што и неговото јадење? Ако треба да се избира меѓу смути и сок - што е подобра опција? И најчестото прашање е: „Може ли да го исцедам сокот сега, а да го пијам подоцна?“... Нутриционистот Антонио Велковски дава одговори за CRNOBELO.com.

Антонио Велковски е магистер по нутриционизам и работи како нутриционист повеќе од 5 години. Тој сега за CRNOBELO.com ќе дава одговори на прашањата кои најчесто ги мачат луѓето кога станува збор за храната, приготвувањето и складирањето на истата.

Сега тој зборува на темата:

Дали е поздраво овошје или смути и цедени сокови? А смути или цедени сокови? Откако ќе се направи цеден сок, по колку време се губат хранливите состојки, односно за колку време треба да се испие?

Антонио Велковски за CRNOBELO.com вели:

„Ова е една од најактуелните теми во светот на здравата исхрана.

Иако сè што доаѓа од овошјето звучи здраво, постојат суштински разлики во тоа како нашето тело ги обработува овие три форми.

Во ерата на брзиот живот, често посегнуваме по соковник или блендер мислејќи дека правиме услуга за нашето здравје.

Но, дали пиењето на овошјето е исто што и неговото јадење? Науката вели – не баш.

Ако треба да се изберете само еден начин, тоа е секогаш целото овошје. Причината е една и многу важна: растителни влакна.

Влакната делуваат како „кочница“ за шеќерот од овошјето.

Кога јадеме цела овошка, шеќерот (фруктозата) се апсорбира доста побавно.

Покрај тоа џвакањето и влакната му сигнализираат на мозокот дека сме сити.

Еве и споредба: тешко е да изедеме пет портокали одеднаш, ама многу лесно е да го испиеме нивниот сок во една чаша.

Продолжува на следната страница...