Кралица на есента: 4 причини зошто да купите тиква уште денес

Крајот на летото и почетокот на есента е периодот кога продавниците се преполни со тикви.

Се работи за плод кој го храни целиот организам, а за жал често го запоставуваме.

Од таа причина, денес ве потсетуваме зошто треба да си купите една вкусна тиква и да ја потпечете.

1. Ја регулира тежината

Во 100 грама се наоѓаат помалку од 30 калории и 90% вода, заради што се смета за диетална храна. Покрај ова, редовното консумирање го намалува холестеролот.

2. Заштитник на имунитетот

Како што веќе знаете од самата боја, богата е со бета каротен. Се работи за антиоксиданс кој го штити организмот од слободните радикали, го чува здравјето на очите и го зајакнува целиот имунитет. Од голема помош се и витамините Ц, Е и К кои се наоѓаат во неа.

3. Го поттикнува варењето

Богата е со прехранбени влакна кои ја подобруваат работата на цревата, па тиквата се препорачува во поголеми количини за оние кои патат од отежнато варење на храната.

4. Извор на протеини

А протеините ги надополнуваат оштетените клетки во бубрезите, мускулите, косата, ноктите и коските.

Причина плус: Вкусот одлично и се дополнува со слатките зачини како цимет и мускатно оревче.