Исхраната со која кралицата Елизабета го одржува доброто здравје на 91 година

Да се биде витален владеач на 91 година е навистина голем успех, а кралицата Елизабета е пример токму за тоа.

Секако, здравјето оди во комбинација со здравата исхрана, а кралицата тоа и го применува.

Таа во текот на годините немала многу промени кога станува збор за храната.

Двапати неделно, кралицата добива листа со предлози на која таа обележува што ѝ се допаѓа.

Погледнете дел од јадењата кои се наоѓаат на таа листа:

Чај без шеќер со кекс пред појадок

Појадок со житарки и тост

Вообичаениот појадок на кралицата вклучува овошје и житарки, а понекогаш јаде и печен леб со мармалад, или пак, пржени јајца со лосос и тартуфи.

Чаша џин пред ручек

Наводно, кралицата ужива во коктел пред ручек – чаша џин со многу мраз и парчиња лимон.

Ручек без скроб

Кралицата руча во 13 часот, а најчесто оброкот се состои од риба со спанаќ, тиквички или печено пилешко со салата.

Таа избегнува скроб, па на нејзиното мени ретко има тестенини, ориз и компир.

Попладневен чај со торта

Попладневниот чај се служи со мед и ужинка или чоколадна торта, која кралицата ја обожава.

Според нејзиниот поранешен готвач, се служат и два вида сендвич, а лебот е сечкан на мали кругови како што кралицата го сака.

Бифтек за вечера

Кралицата сака месо од локални фармери. Обожава бифтек со печурки и сос од виски.

Понекогаш јаде јагнешко или телешко, а без разлика од какво потекло е, месото треба да биде добро печено.

По главното јадење, јаде јагоди и ли праски кои се одгледуваат во нејзината градина.

Чаша шампањ по вечерата

Според некои извори, кралицата го завршува денот со чаша шампањ од 8-те најквалитетни, кои се направени за членовите на кралското семејство.

Чоколадо

Кралицата Елизабета изгледа многу сака чоколадо, според нејзиниот поранешен готвач.

М. М. | Црнобело