Горди сме на нашите градови! Убавината на Крушево, низ објективот на Александар Менкиноски

Детали

среда, 08 ноември 2023

„Уште при самото одење кон Крушево, запрепастен од панорамскиот поглед се решив да не губам повеќе време и да го полетам дронот за да направам неколку панорамски фотки од самиот град“, вели фотографот Александар Менкиноски за CRNOBELO.com за неговата прошетка во Крушево и обидот да ни ја долови уникатната убавина на градот, и тоа со помош на дрон.

Фотографот Александар Менкиноски фотографира речиси 13 години.

Вели дека секојдневно шета со фотоапаратот низ Охрид и неговиот град – Струга – но сега решил да прошета и низ Крушево за да ја долови убавината на градот преку неговиот објектив.

За CRNOBELO.com, Александар раскажува за неговата авантура низ Крушево:

„Јас, како фотограф од Струга, најтипично е да направам фотографии од нејзината околина. Но, еве сега споделувам една необична моја тура во Крушево.

Сигурен сум дека сите досега сме посакале да го видиме Крушево од воздух. E па драги мои, ви подготвив една фото-тура на градот од воздух.

фото: Златко Менкиноски

Да започнеме со таа приказна од самиот почеток.

Уште при самото одење кон Крушево, запрепастен од панорамскиот поглед, се решив да не губам повеќе време и да го полетам дронот за да направам неколку панорамски фотки од самиот град. Притоа, го добив ова:

Понатаму, решив да го следам главниот пат кој води до самиот центар до градот.

На мојата десна страна се наоѓаше споменикот ’Македониум‘, а и погледот кој се наоѓаше зад мене беше толку несекојдневен и интересен, што вредеше да се фотографира.

Крушево е познат како град на црквите, што и јас успеав да го забележам дури од воздух.

Како што се приближувам кон самиот центар на градот, црквата Св. Никола ми го одзеде вниманието. Околу неа се задржав најмногу - може да видете и на самите фотки.

Потоа, погледот ми го привлекоа крушевската гимназија и крушевската општина.

Продолжува на следната страница...