Бранко Илиески за патувањето во Перу: „100 пати да се вратам на Мачу Пикчу, нема да ми биде здодевно“

Каде престојуваше за време на патувањето?

Бев сместен во хотели кои на автентичен начин го отсликуваа секое место што го посетив.

Какво е твоето мислење за локалното население?

Локалците се гостопримливи, разигрaни и весели луѓе кои се подготвени да ти помогнат во секое време.

Луѓето што живеат на повисоките места на Андите се пониски за разлика од оние што живеат во Лима.

Нивните полицајци носат преубава капа на која пишува полиција. Мене тоа многу ме бендиса, па поминав во една полициска станица да прашам каде може да купам таква капа, а тие беа толку љубезни со мене што ми подарија една.

Оригинална полициска капа – тоа ми е најубавото нешто што си го донесов дома од Перу.

Има ли нешто што би сакал да го знаеше пред да заминеш во Перу, а кое би ти го олеснило патувањето?

Перу е позната туристичка дестинација, па ако имате можност, резервирајте сè преку интернет, затоа што можно е да не најдете слободни места за воз, автобус или авион.

И секако, секогаш имајте повеќе пари со себе за непредвидливи ситуации.

Тука ќе го завршиме разговорот. Каков совет би им дал на оние што за првпат сакаат да патуваат во Перу?

Ако имате сон да го посетите Перу, остварете го што поскоро. Колку и да потрошите пари, знајте дека вреди.

Јас сигурно би отишол уште два-трипати за да ги доистражам и другите делови на оваа прекрасна земја.

© CRNOBELO.com Забрането преземање и копирање. Крадењето на авторски текстови е казниво со закон.

Е. Х. | Црнобело