Никола од Скопје живее во Кина: „Жените сакаат мажи од белата раса, а богатите не се фалат со парите“

Зошто Кина е светлосни години пред нас?

Според мое мислење голема улога игра дисциплината и меѓусебната почит. Кога на тие карактерни особини ќе се додадат ресурсите, кои не се плашат да ги искористат, добиваме успешна приказна. 

Многу се скромни и не се егоистични. Како пример можам да дадам од спортско поле. Се вложува многу во нив, а за возврат се бара успех што е сосема логично.

Можевме да видиме дека многу од олимписките медалисти штом се вратија во своите провинции воопшто не уживаа во славата. Се вратија на секојдневните активности.

За нив најголемото спортско достигнување Олимпијадата е само уште еден медал.

Што те нервира најмногу?

Би ги издвоил големиот метеж и начинот на кој возат.

Што ти се допаѓа најмногу?

Многу ми се допаѓа кинескиот „hotpot“. Тоа е традиционално јадење за Кинезите. Традиционална супа која се служи во метален сад, кој константно врие и во него се ставаат месо, зеленчуци и тестенини по свој избор.

Покрај храната би рекол и системот на кој функционираат и достапност на ресурсите во секое време.

Ако нешто нема во маркет или продавница, многу лесно се порачува онлајн и во рок од 2 дена доставата е на врата.

Од најситните работи до подвижни, монтажни куќи и автомобили и тоа во буквална смисла на зборот.

Најужасната работа која ја прават Кинезите е…

Имаат поразлична перцепција за култура и бон-тон и немаат чувство за личен простор.

Што можат Македонците да научат од Кинезите на поле кариера, па и на поле секојдневно функционирање?

Како да се биде скромен и како да се менаџира со финансиите. Многу Кинези се богати, но нема да го покажат тоа бидејќи за нив е некултурно да се фалат дека имаат.

Скапо ли е за живот?

Пекинг како метропола е доста скап за живеење. Но во другите места каде што бев беше многу евтино.

Продолжува на следната страница...