Вера Радески за преселбата во Чикаго: „Првата година е хаотична, ве мачи носталгијата, се колебате да се вратите“

Висок ли е стандардот на живот? Некоја цена од таму кафе /пиво…

Не одам често во Македонија, но имам чувство дека цените се речиси и израмнети.

Сè зависи нели и од местото каде што го нарачувате и купувате нештото, но во просек едно кафе чини 1,5-6 долари (90-400 денари) најскапите опции се во Старбакс.

Пиво во бар чини 2-7 долари (120-450 денари).

Поразлично е тука што морате да оставите бакшиш за секоја услуга која ја добивате од човек (послужување, фризер, козметичар, такси, и сл.). Најчесто не е вклучено во сметката, но имате на неа препорака колку проценти од сумата треба да додадете како бакшиш за услужителот и тоа се подразбира.

Има ли многу доселеници? Од кои земји?

Конкретно во Чикаго има премногу доселеници буквално од целиот свет.

Тука се чувствувате како цел свет да е во еден град. Токму затоа можете да искусите различни култури, да се запознаете со различни традиции, да пробате храна од најразлични краеви, бидејќи постојат ресторани од скоро секој дел на светот.

Во секој случај најбројни се оние од Мексико и Јужна Америка.

Што е најсилниот адут на местото во кое живеете?

Па, најсилен адут е тоа што е доста развиен град, кој нуди многу можности во зависност од тоа какви цели и амбиции имате.

Тука не може никогаш да ви биде здодевно и секогаш има што да правите.

И, исто така, добро е и што има многу наши луѓе кои по автоматизам ги чувствуваме поблиски и сметаме на нив за каква било волја или неволја.

Би се вратила ли да живееш во Македонија некогаш?

Секако дека би се вратила, доколку животот ги намести така коцките.

Јас Македонија си ја сакам и понатаму и секое повторно доаѓање во посета на моето семејство чувствувам како никогаш и да не сум заминала од таму.

Таа е наша лулка во која сме израснале и која нè изнела на каков-таков пат, за жал, надвор од неа, но сепак копнежот и љубовта кон неа никогаш не престанува.

Повеќе фотографии од Вера:

• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело