Македонско семејство ќе живее на пат 9 месеци: „Ќе смениме 13 Airbnb сместувања и 20 летови, а ќерка ми ќе учи со нас“

Како реагираа пријателите и семејството кога им кажавте за оваа одлука?

Од семејството добивме само позитивни коментари иако дел од нив беа изненадени што сè ни паднало на памет да смислиме.

Се разбира, дека имаа и сè уште имаат многу прашања, но голем број на работи ниту нас не ни се јасни како ќе функционираат.

Ние правиме сè што е во наша моќ да испланираме сè што може да се испланира, а за сè останато ќе се снаоѓаме во од.

Што ве мотивираше – авантура, промена на животен стил, работа на далечина…? Дали гледате на ова како авантура или како нов начин на живот?

Мотивација? Па, би рекла дека е комбинација на многу работи, но можеби е предводено од желбата за авантура и потребата од своевидно бегство од рутинското секојдневие.

Во Норвешка сме сами ние четворица и немаме никој друг роднина. Животот со две мали деца е хаотичен и поприлично исцрпувачки.

Со патувањето верувам дека од една страна ќе се запознаеме меѓусебно на некое поинакво ниво, но и ќе бидеме предизвикани да прифатиме нови перспективи на гледање на работите.

Ќе бидеме заедно 24\7, цели 6 месеци во Азија. Да може да се помине толку многу време заедно со семејството е неверојатна привилегија.

Ние сме искрено благодарни што ќе можеме да го реализираме нашиот сон да бидеме „Семејство на пат“.

За Инстаграм профилот на кој ќе споделувате детали оттаму..

Инстаграм профилот „Семејство на пат“ е создаден со неколку цели. Првенствено да биде наш бележник за сè што се случува пред патувањето, а подоцна да прерасне и во дневник со информации за сè што запознаваме, се среќаваме и учиме додека патуваме.

Второ, да преку социјалните медиуми и преку тематски профил дојдеме во допир со „наши“ луѓе кое живеат во тој дел од светот.

Секогаш ни било интересно да се поврземе со иселени Македонци, какви што сме и ние самите.

И трето, но не помалку важно, да си покажеме и докажеме на себеси, а и на другите, дека животот не мора да се води по однапред определени норми и правила. Некому му е убаво во живот во стандардниот А4 формат, но ниту А3 и А5 не се помалку вредни за живеење.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело