Љупче Трајчев посетил 59 земји: „Во Куба фрлаат ѓубре преку прозорец на улица, а во џунгла во Тајланд ме разбудија мајмуни“

Со задоволство би се преселил во …

Македонија е мојата душа и тука дишам најубаво, иако многу социјални работи се на многу ниско ниво и системот на државата е многу погрешен, а вредностите се изместени, но кога би морал да се преселам дефинитвно тоа би било Италија и тоа најужниот дел од оваа земја, кој е дијаметрално различен од северот во многу сегменти.

Каде го виде најлудиот пазар?

Сум видел многу луди пазари, јас сум љубител на пазари, скоро и нема град во кој сум бил, а да не го посетам локалниот пазар, таму секогаш ја има најдобрата и најсвежа храна, ме фасцинираа пазарите на вода во повеќе земји во Азија, каде секој чун е движечка тезга со храна од овошја, зеленчуци до готвена храна, но сепак најлуд пазар според мене беше пазарот во Маракеш – Мароко.

Тоа е интересно место и не е само пазар туку на едно место имате забава, музика на која играат кобри, мајмуни, храна од секаков вид која се приготвува на самото место, измешани мириси на зачини, чувство кое не се заборава.

Каде луѓето одржуваат најмалку хигиена?

Камбоџа е шампион кога станува збор за нехигиената, уринирањето на улица кога имате потреба од тоа кај нив е сосема нормално, несреденост на депониите, многу ѓубре насекаде без канализации, тука би ја издвоил и Куба, посебно Хавана каде луѓето после 23 часот го фрлаат ѓубрето преку прозорец на улица, така да не се препорачува прошетка по улици тоа време.

Каде луѓето се најкултурни?

Најкултурни се луѓето во скандинавските земји, но тоа е како по некоја шема, нема спонтаност и искрени насмевки, морам да ги издвојам и хрватските острови на кои ме изненади културата и големата љубезност и желба да ви угодат и тоа скоро на сите 8 острови кои сум ги посетил.

Што од светот би донел во Македонија?

Македонија е пребогата земја, жално е што многу мал број на луѓе тука го сфаќаат тоа, на Македонија не и треба ништо друго туку само добра организација и посветеност за искористување на природните богатства кои ги има, и ние би можеле да бидеме една од најбогатите земји во светот, иако звучи малку претенциозно, сигурен сум дека е така.

Која дестинација ти е следна на списокот?

Мојата листа за 2020 беше Шри Ланка, Јапонија и Непал, но поради моменталната ситуација засега остануваат само како мои желби.

Оваа година останувам да уживам во прекрасните убавини на Македонија, посебно во планините кои многу ги сакам, истото им го препорачувам и на вашите читатели.

Уште фотки од неговите патувања:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело