Пар од Скопје за одморот во Ксамил: „Плажите се преубави, но во 9:30 наутро веќе нема слободна лежалка“

Иако многумина ни тврдеа дека нема ноќен живот во Ксамил, сепак постојат неколку луксузни „rooftop“ барови кои се на неколку ката и нудат избор за сите вкусови. Од место за вечера и јадење на храна и десерти на првите катови, па сè до забава со коктели и диџеи на последните катови, уживајќи во фасцинантното заоѓање на сонцето.

Сепак, иако ноќниот живот започнуваше во 20 часот и траеше до 23 часот поради полицискиот час, нам забавата ни беше доволна ( со оглед на тоа што за на плажа се стануваше во седум часот и на неа се остануваше буквално до седум часот попладнето).

Иако полициски час има и започнува во 12 часот ноќта и трае до шест часот наутро истиот беше условно кажано само на хартија. Маската не е задолжителна никаде, тоа е личен избор иако никој не го применува, а единствената маана е тоа што ниту во најлуксузните ресторани нема средство за дезинфекција.

И сосема на крајот цените за лежалка на плажите се секаде исти и се 1.500 леќи за две лежалки со чадор или 750 денари. Нескафето на плажа беше 200 леќи или 100 денари, додека иста цена од 100 денари ќе платите и за гиро. Фамилијарната пица е околу 800 леќи, зависно од намирниците во неа, додека мала „Маргарита“ е 400 леќи или пак само 200 денари.

За љубителите на морската храна позитивно е тоа што можат да уживаат во сите вкусови за сума која е невообичаена за во Македонија.

Микс од морски плодови нас нè чинеше 600 денари, додека пак лососот е од цена од 750 денари. За љубителите на пивото истото чини само 150 денари во најлуксузниот ресторан. А, на изненадување на сите кои не можат без македонско пиво, истото од најпознатиот наш бренд го има во секоја локална продавница или маркет.“

Повеќе фотки од Ксамил од Дарко и Верче на следната страна...