Марија Ристовска: „Мексико е совршена летна дестинација, но плажите во Тулум имаат проблем со алгите“

Имаат ли чудни навики?

Не добив впечаток дека Мексиканците се многу различни од нас во поглед на навики, освен што на сè ставаат лута салса, така да не би издвоила ништо друго во моментов.

Има ли многу туристи? Од кои земји најмногу?

Имаше многу туристи, да, но сепак во ниеден момент не се почувствува метеж. Најчесто туристите беа од САД, а имаше доста и од Швајцарија, Англија, Италија и Бразил.

За жал најголем дел од Мексиканците немаа слушнато за Македонија, веројатно не доаѓале многу туристи од кај нас во овој регион, но ние им раскажувавме за нашата култура и им објаснувавме во кој дел од Европа се наоѓаме.

Каква е ситуацијата со короната? Се носат ли маски?

Можам да кажам дека многу се внимаваше на заштита од короната. Секаде се носат маски и во првиот момент ако ја симнете, доаѓа човек и ве „опоменува“. Во сите маркети и на сите туристички атракции мерат температура на секој човек посебно на влезот, а на некои места имаат и поставено термални камери и задолжени вработени кои ќе ги следат во секое време.

Исто така, редовно се чистеа бродовите за пренос до островите (помеѓу секоја тура) и се ограничуваше бројот на присутни патници или посетители на одредени локации. Така што во споредба со нас, многу посериозно и поорганизирано се грижеа за ситуацијата со короната.

Зошто Мексико е совршена летна дестинација?

За сите оние што сакаат активен одмор во кој можат да комбинираат одморање на плажа со истражување на автентичната култура, недопрената природа, историските локалитети и посета на локалните атракции како што се сенотите, Мексико е одлична можност за да се доживее магијата на летото.

 

Повеќе фотки од Марија од Мексико:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело