Мартин Фармаков за животот во Естонија: „Јавниот превоз е бесплатен, а Талин важи за еден од најчистите градови во Европа“

Какво темпо на живот водат Eстонците?

Естонците по природа се доста тивки и смирении се тотално различни од нас Македонците, кои сме поприлично гласни и динамични.

Талин е еден од побезбедните градови во Европа со речиси никакво присуство на криминал. Шетањето по улиците дури и во темните часови во зима е безбедно.

Во зима, пешаците носат рефлекторски значки за поголема видливост. Нема гужви и брзање, што може да се види и преку сообраќајот, којшто е доста безбеден и организиран, се вози полека, внимателно, секојдневна глетка се деца од 5-6 години кои сами одат во училиште и преминуаат големи булевари без никаква придружба од возрасен.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-07.jpg

Исто така, безбедноста и почитувањето на приватноста е видлива и во естонскиот тренд на отворено живеење, со поврзани и отворени дворови на куќите и секако големи прозорци на градбите поради потребата од повеќе сонце и светлина во домовите во текот на зимата.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-22.jpg

Имаат ли интересни навики во секојдневието?

Естонците поминуваат доста време во природа, задолжителни прошетки и пешачење секојдневно, без разлика на временските услови и минусните температури во зима.

Исто така многу често користат сауна, а и најголемиот дел од становите и куќите имаат своја приватна сауна.

Интересна традиција е пливањето во море во текот на зимата, на минусни температури. Секако после тоа веднаш се влегува во топла сауна.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-24.jpg

Каков е јавниот превоз?

Јавниот превоз во Талин е доста добро организиран, има автобуси, тролејбуси, трамваи, а доста се користени и железничките услуги.

За жителите на градот јавниот превоз  е бесплатен, и секако хигиената е на доста високо ниво и возилата се еколошки и доста добро одржувани.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-13.jpg

Висок ли е стандардот на живот?

Стандардот е висок, а цените на прехранбените производи се речиси исти како и во Македонија. Цените во кафулињата и рестораните се малку повисоки, пивото е 5 евра и повеќе, коктелите 10 евра, кафе и чај може да се купи за 3, 5, 8 евра зависно од ресторанот.

Сите видови на занаетчиски услуги се со доста високи цени (фризер, поправки и други занаетчиски услуги).

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-16.jpg

Би ја препорачал ли оваа земја како туристичка дестинација?

Секако, и како туристичка дестинација и како место за постојано живеење. Има доста историски објекти, стари градови, тврдини и замоци кои се испреплетени со историја од периодите на средновековните владеења, шведските кралства и советскиот период.

Потоа, националните паркови, со шумски мочуришта и водопади, кои имаат извонредна природа, каде туристи доаѓаат за прошетка низ естонски познати хајкинг патеки.

Естонија има голем број на острови во Балтичкото море, меѓу кои најголеми се Саарема и Хиума и крстарењето по нив е една од најважните работи која не смее да се пропушти.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-10.jpg

Имаше ли некој непријатен миг таму?

Досега не се случило да имаме лошо искуство. Населението и администрација се трудат да ја направат земјата колку може погостопримлива за странските доселеници.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-11.jpg

Има ли ноќен живот?

Ноќниот живот секако е присутен, во голема мерка и поради големиот број странци кои се доселени тука за работа во растечката ИТ индустрија. Поради разновидноста на населението доста интересен и различен е и ноќниот живот.

martin-farmakov-za-zhivotot-vo-estonija-javniot-prevoz-e-besplaten-a-talin-vazhi-za-eden-od-najchistite-gradovi-vo-evropa-15.jpg

Продолжува на следната страна...


Би можело да ве интересира:

Нина (25) од Скопје за животот во Унгарија: „Дојдов сама на 18 години, но би се вратила да живеам во... „На прашањето „Дали би се вратила ли да живеам во Македонија некогаш? искрено ќе...
Бојана од Скопје се пресели во Хрватска во име на љубовта: „Сопругот е авиомеханичар, ми го има спас... „Колку жени можат да кажат дека нивниот сопруг го жртвувал сопствениот живот за ...
Мартин од Скопје 10 години живее во САД: „Менхетн не ми се допаѓа, администрацијата тука е иста како... „Огромна улога за моето селење имаше и фактот што моите родители веќе беа мигрир...
Мартина од Битола ја посети Аргентина: „Носат бебиња на фудбалски натпревари, ја запознав ќерката на... „На Македонците не им треба виза за Аргентина. Патот е напорен - од Скопје до Бу...
Бојан од Скопје живее на Канарски Острови: „Локалците се дружељубиви, но ненајавен не можеш да отиде... „Тука нема толку гужви како во Македонија, никој не брза за ништо, сè е полабаво...

Најчитани неделава

sonovnik-sidebar.jpg