Оливер Јанкуловски: „Цели 8 години чекав австралиска виза - работам 2 работи, Мелбурн е совршен, но сè е предалеку“

Долови ни ја атмосферата од Мелбурн, местото каде што живееш… Што оттаму би си посакале во Македонија?

Живеам во Мелбурн, овој град е прогласен како најдобар во светот за живот многупати и со причина.

Живеам во центарот на градот, блиску до работата.

Искрено, Македонија би можела да посака сè од овој град - од инфраструктура до работни можности до собиралишта за забава на граѓаните.

Каква е природата? Што те има воодушевено најмногу? Има ли убави плажи и услови за капење?

Природата е навистина уникатна, има огромно крајбрежје, па преубави плажи...

Југот е малку постуден, па не е секогаш идеално за пливање, но има и потопли соединети држави како Квинсленд, северната територија и западна Австралија, па многу луѓе одат таму во посета за време на зимата.

Какво темпо на живот водат локалците? Имаат ли интересни навики?

Многу брзо темпо, работа, вежбање, социјализација и ретко се наоѓа слободно време.

Дали сè е навистина предалеку?

Да! Сè е предалеку! Јас кога одам да ја посетам тетка ми во истиот град ми треба околу три часа со градски транспорт, а меѓу градовите е многу далеку.

Од Мелбурн до Сиднеј е 9 часа со воз или автобус, па затоа се преферира да се патува авионски.

Висок ли е стандардот на живот? Некоја цена оттаму кафе / пиво…

Дефинитивно! По короната и со светската криза цените се искачија премногу, па еден килограм домати може да достигне 15 австралиски долари (околу 580 денари), а исто така едно пиво.

Ако излезете на кафе ќе ве чини 5 австралиски долари (речиси 200 денари).

Би ја препорачал ли оваа земја како туристичка дестинација? Од каде доаѓаат најмногу туристи?

Да... Преубава е, но препорачлива е најмногу за оние со подлабок џеб од западните земји за кои исто така има и програма за млади од развиените земји до 30 години за да дојдат да работат на фарма шест месеци и после да патуваат шест месеци.

Тие, т.н. патувачи со ранец на грб, како и туристите од Азија се најчести.

Продолжува на следната страна...