Српската актерка Сандра Силаѓев за CRNOBELO: „Родена сум во Штип, се ежам на ‘Македонско девојче’ и ‘Зајди, зајди’“

„Секое лето доаѓав во Скопје и Штип. Поминав навистина многу време во Македонија. Зборувам македонски, но не совршено. Мајка ми зборува македонски, па тоа ми е сосема природно. Инаку, јас сум дете од мешано семејство, во моето семејство ја имам цела бивша Југославија и го обожавам тоа“, вели српската актерка и комичарка Сандра Силаѓев за CRNOBELO.com.

srpskata-akterka-sandra-silagjev-za-crnobelo-rodena-sum-vo-shtip-se-ezham-na-makedonsko-devojche-i-zajdi-zajdi-01.jpg

Српската актерка и комичарка Сандра Силаѓев скоро една деценија со своите забавни видеа ја забавува публиката во регионот.

Секогаш оригинална, поинаква, инспирирана од реалноста во која живееме, таа знае како да допре до луѓето кои ја следат на социјалните мрежи, а се преку 486.000 само на Инстаграм.

https://www.instagram.com/reel/Cx_GURntWEg/

Родум од Штип, по мајка Македонка, Сандра вели дека за земјава ја врзуваат убави спомени. Многу од нив се поврзани за Скопје и Штип, каде што доаѓала секое лето додека била дете.

Таа сега повторно се враќа во Скопје, со хит претставата „Дејт“, која ќе се одржи на 9 и 10 октомври во Македонска филхармонија.

srpskata-akterka-sandra-silagjev-za-crnobelo-rodena-sum-vo-shtip-se-ezham-na-makedonsko-devojche-i-zajdi-zajdi-06_copy.jpg

Во интервју за CRNOBELO.com, Сандра, која го носи епитетот „кралица на саркастичната комедија“, зборува за своето македонско потекло, но и ликот што ја направи меѓу омилените познати личности на Балканот:

Не знам колку македонската публика знае дека сте родени во Штип. Дали зборувате македонски? И кога последен пат сте биле во родниот град?

Мајка ми е Македонка, а јас сум само родена таму. Но, секое лето доаѓав во Скопје и Штип. Поминав навистина многу време во Македонија.

Најмногу ја сакам македонската кујна и ја обожавам македонската музика. Македонија ме врзува за мајка ми и баба ми. Таму имам и семејство.

Зборувам македонски, но не совршено. Мајка ми зборува македонски, па тоа ми е сосема природно. Инаку јас сум дете од мешано семејство, во моето семејство ја имам цела бивша Југославија и тоа го обожавам.

Дали ви се допаѓа македонска храна, музика? Што ти е омилено?

Ја обожавам музиката, бидејќи тоа ме поврзува со мајка ми и баба ми. „Македонско девојче“ и „Зајди, зајди“ знаат да ме „распаметат“.

А од храна најмногу сакам пишии, пастрмалии, јајченик и слично.

srpskata-akterka-sandra-silagjev-za-crnobelo-rodena-sum-vo-shtip-se-ezham-na-makedonsko-devojche-i-zajdi-zajdi-05.jpg

Јавноста во регионот ве запозна пред 7-8 години како Диња, фиктивен забавен лик кој преку ноќ стана феномен во регионот. Но, денес ве нарекуваат „кралица на саркастичната комедија“ и на Инстаграм ве следат над 486.000 следбеници. Што е она со што привлекувате внимание каде и да одите и во кој лик и да се претворите?

„Диња“ беше каналот на YouTube и тоа име го вметнав во играта на зборови во насловите на стриповите што ги објавував, а и во стенд-ап настапите.

Меѓутоа, проблемот настана кога новинарите почнаа да ги нарекуваат Диња сите ликови што ги играв во филмовите и сериите.

Па, затоа морав да го ставам моето име насекаде, бидејќи нема лик по име Диња што го играв, а ни моето име не е така.

Инаку, не забележувам дека привлекувам внимание, освен кога некој ќе ме препознае бидејќи сум моментално експонирана во јавноста.

Зошто вие не следите никого на Инстаграм?

Следам од приватниот профил. Бизнис профилите на сите мрежи постојат за да објавам сè што имам и потоа да се одлогирам.

Десет години сум активна на социјалните мрежи и ако сакате да имате живот надвор од социјалните мрежи, мора да ги исклучите коментарите и да се најавите само за да го завршите тоа што треба.

srpskata-akterka-sandra-silagjev-za-crnobelo-rodena-sum-vo-shtip-se-ezham-na-makedonsko-devojche-i-zajdi-zajdi-07.jpg

Од каде инспирацијата за сè што објавувате? Дали секогаш снимате сè „од прва“ или понекогаш едноставно не ви оди, па на крај и не го објавувате тоа видео?

Инспирацијата е насекаде околу нас. Најчесто снимам од прва, затоа што не го сфаќам сериозно.

Си дозволувам и грешки и пропусти бидејќи се работи само за интернет содржина.

Кој е вашиот најискрен критичар?

Колеги и најблиски. Немам критичари за клиповите, бидејќи тоа ми е забава. Кога работам во театар, на филмови или серии, тогаш добивам сериозни сугестии од луѓето кои се во овој бизнис.

srpskata-akterka-sandra-silagjev-za-crnobelo-rodena-sum-vo-shtip-se-ezham-na-makedonsko-devojche-i-zajdi-zajdi-08.jpg

Продолжува на следната страница...



Би можело да ве интересира:

Кире Лазаров: „Со Каролина бевме партнери за матура, поради погрешна дијагноза мислев дека рано ќе ј... „Финалето на Светското клупско првенство беше мојот најтежок натпревар во кариер...
Хелена Роза по 4 години се врати од Нов Зеланд: „Заминав на 39 години, завршив факултет и сега со со... „2022 ми беше една од најубавите години - конечно зедов дозвола за возење мотор ...
Маја од Скопје на 41 година го победи ракот на дојка: „Пациентите кријат дека примаат терапии, кај н... „Сакав и одлучив да живеам и мислам дека таа свесна намера беше пресудна да се п...
Иван Босиљчиќ за CRNOBELO: „Јелена ме научи да бидам романтичен, порано не бев како ликовите што ги ... „На 6 години добив брат, а многу сакав сестра. Родителите ми велеа дека ќе имам ...
Васка Леонтиќ: „Забременив со ин витро, сама станав мајка на 48 години, мојата ќерка (5) знае сè за ... „Никогаш не размислував за тоа што ќе зборуваат другите за тоа дека забременив с...
Бобан Алексов живее 6 години во Данска: „Заминав 'на слепо', работа најдов случајно на Фејсбук, живо... Боби Алексов (37) од Скопје, 6 години живее во Оденсе, Данска. За себе вели дека...

Најчитани неделава

sonovnik-sidebar.jpg