Јелена Розга за CRNOBELO: „Мислев ќе се срушам од убавина кога публиката ја пееше ‘Гинем’ на цел глас, сега едвај чекам да дојдам во Скопје“

Имавте ли трема пред настап или тоа исчезна со годините?

Пред овој концерт не знаев каде сум, имав некој страв. Ѝ се јавив на другарка и ѝ реков да излезе и да пее наместо мене.

Се слушнав неколкупати и со мајка ми и таа ме смируваше.

Имам прекрасни родители кои се грижат за мене, кои ми се поддршка и кои ми даваат ветер во грб за сè. Мајка ми дури и плаче пред секој мој концерт.

Па, така беше и вечерва. Родителите сакаа да дојдат, не успеаја. Но, беа покрај мене со духот.

А потоа, кога излегов на сцената, сите стравови исчезна.

И пак ќе се вратам на претходниот муабет – ако еден ден не чувствувам адреналин и возбуда, мислам дека ќе престанам да пеам.

Јас сум ти, всушност, класична „бубалица“ и сакам сè да е под контрола.

Па, 10 дена пред концертот, секое утро станував во 8, возев до Љубљана, каде што живее Жига, танчарот и кореограф што ги спремаше кореографиите, дечко ѝ на Сара Јо кој игра со мене на сцената.

Во 11 почнувавме со проби и вежбавме по 4-5 часа, па се враќав назад. И секој ден така.

Верувајте, истото ќе биде и пред да дојдам во Скопје.

И денес соработувате со Тончи. Сепак, постои ли песна која никогаш не сте сакале да ја испеете?

Да, да. Песната „Минут срца твог“ не ја сакав воопшто.

Ми беше здодевна уште првиот пат кога ја слушнав, одбивав да ја пеам, ама Тончи ме убеди дека треба.

Денес ја обожавам. Дури и турнејата ја нареков така „Минут срца мог“.

Изгледате прекрасно. Како се грижите за изгледот?

Искрено, имам добри и лоши денови, поради проблемите со тироидата кои траат со години.

Затоа секогаш велам: 'Само да ме служи здравјето'. Се хранам здраво, јадам домашна храна која ја готви мајка ми и тоа со зеленчук од нашиот двор, но и многу спијам.

Мислам дека тајната е во тоа, во добриот сон.

©CRNOBELO.com Забрането преземање и копирање. Крадењето на авторски текстови е казниво со закон.

A. J. | Црнобело / фото: Live Production/ И. Ј.