Французинката Олга 2 пати го посети Скопје: „Македонците се прекрасен народ“

Дали се чувствуваше добредојдено и безбедно?

Па, според моето досегашно искуство, Македонија е една од земјите во кои јас навистина се чувствував добредојдено.

Ми кажа дека имаш пријателка од Македонија. Како ти ги оценуваш македонските пријатели?

Па, самиот факт дека дојдов на свадба во Скопје и следната година пак се вратив да си ја посетам поранешната колешка и нејзиното семејство, потврдува дека Македонците се најдобар народ.

Беше гостинка на македонска свадба, како ти се допаднаа церемонијата и македонските танци и обичаи?

Сè ми се допадна, почнувајќи од церемонијата до храната, но пред сè ми се допадна атмосферата и фактот што сите, дури и децата, играа традиционални танци, а со тоа ја почитуваат културата и традицијата.

Едноставно, прекрасно.

Што е слично, а што различно меѓу Русите и Македонците?

Долго време не живеам во Русија и скоро никогаш не се чувствував како Русинка, но, можам да кажам дека Македонците имаат поевропско однесување, многу се отворени и пријателски расположени.

Јазиците се многу слични, и одлично е што можам да формирам фрази на македонски јазик од старословенски.

Нешто или некое место кои навистина те воодушеви во Македонија?

Горно Нерези! И мачките на мајката на мојата пријателка.

Дали имаш пробано да зготвиш нешто од македонската кујна?

Додека бев во Скопје, учев да готвам со мајката на мојата пријателка, иако не можам да се сетам на точното име на јадењето, но беше превкусно.

Дома, во Париз, за мојот сопруг и пријателите подготвив шопска салата и навистина им се допадна.

Знам дека го учиш македонскиот јазик, како напредуваш?

Па, многу е полесно да се научи јазик додека си во таа држава, но засега е добро, немам некои тешкотии бидејќи сепак е старословенски јазик.

Би сакала да имам повеќе време да се посветам на граматиката.

Дали си имала некоја непријатна ситуација за време на твоите посети на Скопје?

Не! Навистина уживав во градот!

Според тебе, што Македонија има да понуди за да биде атрактивна дестинација за интернационални туристи?

Би рекла дека Македонија мора да биде повидлива на панорамата на меѓународниот туризам. Европејците сега се обидуваат да откријат нови земји, а Балканот е една од новите „фантастични“ дестинации, па Македонија треба да вложи напор во рекламирањето.

Природата, византиската уметност, добра и евтина храна, музеи, традиции, овој „ориентален допир“ со турската чаршија, постојат многу работи.

Но многумина ја одбегнуваат Македонија сметајќи ја небезбедна, но јас лично сметам дека е многу безбедна, и тоа мора да биде промовирано за туристите.

И на крај летови, нема многу директни летови од познати европски градови, па патувањето може да е комплицирано и тоа е нешто што мора да се поправи итно.

©CRNOBELO.com Забрането преземање и копирање. Крадењето на авторски текстови и фотографии е казниво со закон.

И. Ј.| Црнобело / фото: Приватна архива