Марија има кафе-книжарница во Куманово: „Многумина ме премислуваа, но сфатив дека кумановци многу читаат“

Што е она што му недостига на Куманово (или секој помал град), а може да се реализира во кафе-книжарница?

Хм, во „Букси“ имате можност да дојдете во мир и да прочитате некоја книга, да излезете на кафе-муабет со себе, да уживате во мирна атмосфера, да изберете некоја добра книга, некој подарок…

Исто така, тоа е место каде се одржуваат работилници, интимни трибини, може да се снимаат и емисии и поткасти. Зборувам од лично искуство, она што мене ми звучи интересно, она на што мене ме асоцира и исполнува, но секако сум отворена и за идеи и соработки.

И, благодарна што секој нов ден имам или нова личност или нова идеја или нов контакт или нова соработка.

Како за крај, каков совет би им дала на сите оние кои имаат желба да започнат нешто свое?

Можам да препорачам да бидат храбри. Да бидат истрајни. Секој труд се исплати и секоја желба не залудно ни е вметната во потсвеста. Потребно е да научиме да ја слушаме својата интуиција, а тоа бара многу работа на себе!

Така што, секоја промена започнува од еден мал чекор, а книгите имаат одговор на сите прашања.

Неретко знам да кажам – во „Букси“ имам книга за секоја ситуација, и навистина, книгите можат да ни дадат многу одговори, но и да ни отворат многу прашања.

Наше е само да продолжиме да чекориме.

© CRNOBELO.com Забрането преземање и копирање. Крадењето на авторски текстови е казниво со закон.

Е. Х. | Црнобело