Марјан од охридско Пештани е актер и модел во Унгарија: „Бев на снимање со Ема Стоун“

Детали

недела, 18 февруари 2024

„Имам сниманo реклами во Унгарија, Словачка, Австрија, Германија... Луѓето што се занимаваат со снимања ме препознаваат и многу ми е важно што ме поздравуваат со 'Македонија' или со 'Македонец'“ – вели во интервју за CRNOBELO.com Марјан Кикески кој имал можност да биде на сетот и на неколку популарни филмови, вклучувајќи го Poor Things.

Марјан Кикески од охридско Пештани веќе 10 години живее и работи во Будимпешта, Унгарија, каде има сопствен бизнис со сопругата, но истовремено работи и како модел и актер.

Неговото лице е препознатливо таму, заради големиот број реклами и видео спотови во кои се појавувал како актер и модел.

Тој за читателите на CRNOBELO.com сподели повеќе фотографии и детали од снимањата на кои учествувал, а како што вели, имал чест да присуствува на снимањата на неколку светски познати филмови што се снимале таму и одблиску да се запознае со некои од ѕвездите што работеле на филмовите.

Прочитајте го интервјуто:

Како одлучивте да се преселите во Унгарија? Колку време живеете таму и во кој град?

Живеам во Будимпешта со сопругата и нашата ќеркичка Калина. Скоро 10 години сум тука.

Како почнавте да работите на снимање реклами? Лесно ли беше да се пробиете како актер и модел таму?

Го работам она за што сонував како мал. Кога се сака, сѐ се може и сѐ е лесно.

Имам сниманo реклами во Унгарија, Словачка, Австрија, Германија...

Од рекламите што сум ги снимал би ги издвоил рекламата за ORANGE (најголемиот словачки оператор, видео реклама плус на билборди, постери низ цела Братислава), 2 реклами за најдоброто пиво Zlatý Bažant, за Popradská káva, за енергетскиот пијалак HELL...

/

Што се однесува до моите следни проекти, имам снимено реклама за Volkswagen (снимањето беше во Австрија и Германија), реклама за Будимпешта, кои треба да излезат наскоро.

Продолжува на следната страница...