Елена Јовческа, естраден уметник: „Свирам 4 инструменти, но гајдата ме прави препознатлива“

Детали

недела, 19 мај 2024

„Освен гајда понекогаш може да засвирам зурли и пијано. Салонот за убавина ми е најдобрата инвестиција, ако не сум пеела ќе сум имала салон за убавина, а сега ги имам и двете“ – вели во интервју за CRNOBELO.com, Елена Јовческа.

Елена Јовческа е наша естрадна уметница која зад себе има веќе 4 албуми (сопствени и со препеани македонски песни), а препознатлива е по нејзините настапи со гајда на веселби, но и на културни настани.

Горда прилепчанка, која повеќе години живее во Скопје, Елена свири 4 инструменти, настапува кај нас и во дијаспората, но истовремено е и бизнис жена која има сопствен салон за убавина, а за CRNOBELO.com открива повеќе детали за себе.

Во продолжение целото интервју со Елена:

Најпозната си по твоите настапи со гајда… Кажи ни кој е најголем виновник што започна да свириш гајда и како се роди љубов за овој инструмент?

Најпрво јас свирам 4 инструменти, но гајдата е таа што ме направи препознатлива и поразлична. С

ама донесов одлука за гајдата иако многу луѓе беа скептични и така гледаа на работите, јас сепак докажав дека можам и успеав.

Колку време ти е потребно за подготовка на инструментот пред настапите и дали освен гајда, знаеш да земеш и некој друг инструмент на веселбите?

Потребно ми е половина час да се подготвам бидејќи се облекувам во народна носија и ми треба време, секако, за гајдата да штима со целиот оркестар.

Освен гајда, понекогаш може да засвирам зурли, како и пијано.

Која е најчеста песна што се бара на веселбите во Македонија, а која во странство?

Секако најбарана песна на фамилијарните прослави е „Машала“ што се пее за невестата, а во странство секако „Горда прилепчанка“ - тоа и што сум.

Има ли некоја песна од која веќе ти е смачено да ја изведуваш? Која е таа?

Немам песна која не би сакала да ја пеам засега и се надевам нема да имам.

Си имала ли некоја непријатна случка за време на настапите? Што може да те извади од такт кога настапуваш?

Непријатна случка досега не сум имала. Нешто што ме вади од контрола, не само на настапи, туку општо, е што ние луѓето немаме трпение.

Продолжува на следната страница...