Александра од Скопје 4-ти пат беше на финалето на Вимблдон: „Билетите се од 250£ нагоре, аплицирав уште во октомври“

Иако како публика немаме можност да стигнеме до бројните славни личности, оваа година имав средба со еден од најинтересните ликови во светот на тенисот, Австралијанецот Ник Киријос.

Тој беше во прес боксот каде што даваше интервју и на минување само пружи рака во знак на поздрав, но, за жал, многу брзаше, па не можевме да се фотографираме заедно.

Но, без разлика дали се работи за познато лице кое ќе го видите како седи во кралската ложа или ќе забележите некој реномиран актер или пејач како го бодри својот омилен играч, овие личности навистина му даваат уникатен шарм на Вимблдон.

Машкото финале и оваа година беше рај за сите сетила.

Пиевме Pims и уживавме во вкусот на јагоди и крем - оригинално британско летно искуство.

Сепак, не е лесно да се стигне до билети за финалето.

Јас сум член на Лондонската тениска асоцијација (LTA) и на Вимблдон, па уште лани во октомври аплицирав за билети, а годинава во март добив потврда дека ми се одобрени.

Инаку, зависно од местото на седење, билетите за машкото финале, чинат од 250 фунти, па нагоре.

На крај, уште ќе кажам дека сум голем обожавател на Новак Ѓоковиќ, но за жал, тој не беше во идеална форма, најмногу поради скорешната повреда на коленото.

Од друга страна, Карлос Алкараз беше жесток и магичен и сосема заслужено ја освои титулата“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело