Цеце Георгиев: „Зелената игуана слободно ни се шета низ дома - прво гребеше, а сега се гали“

Како му изгледа живеалиштето и како го одржуваш?

Во неговиот дом има едно големо дрво каде што си лежи и спие, има сад за вода, како и кокосов тресет (супстрат).

Еднаш во неделата го чистам терариумот генерално.

Како реагираат луѓето на твојот миленик?

Паскал е омилен помеѓу нашите пријатели, сите го обожаваат, па можам да кажам дека и другарчињата на ќерка ми Кара сакаат по еден Паскал за дома.

Тој толку е приврзан со мене што моите пријатели на шега ме викаат Цеце – Вентура.

Со што се храни, пие ли вода?

Зелените игуани се хранат со овошје и зеленчук. Омилена храна му е грашок, краставица, сака да јаде зелена боранија, како и банана…

Пие вода и сака да се бања.

Сте имале ли некој немил настан?

На почеток беше малку див (што е и нормално) бидејќи сменил средина, па имав неколку гребаници по рацете, но со тек на времето се смири и нè прифати…

Дали сака да се гали? Кој член од семејството му посветува најмногу внимание?

Паскал е навистина посебен, тој дури и реагира на мојот глас, ми скока во раце за да се гали бидејќи од мене ја добива целата грижа и нега.

Зелената игуана како домашен миленик ти се допаѓа затоа што…

Е егзотично животно, многу се ретки кај нас и затоа што со љубов и внимание се подеднакво мили и нежни како и останатите домашни миленици.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело