Јулија, Украинка омажена за Македонец: „Војната ме раздели од блиските, сопругот ми е поддршка“

Омилено место во Македонија...

Најомиленото место ми е, секако, домот на сопругот во Демир Хисар, пријатен и на чист воздух, блиску до шума.

Исто така, Охрид – езерото е извонредно убаво, како и самата атмосфера.

Најзабавен (најсмешен) македонски збор...

Првото и најомилено зборче што го научив беше „маженце мое“. Остана засекогаш во моето срце.

Најтежок македонски збор... И колку ти е тежок за учење нашиот јазик?

Македонскиот јазик не е тежок, бидејќи многу зборови се слични на рускиот и украинскиот јазик. Изгледа дека ми оди добро.

Се трудам да зборувам со гости, пријатели, а на сопругот постојано му велам да зборува со мене на македонски.

Традиции од Македонија кои ти се омилени...

Ми се допадна традицијата на венчавање – тоа е толку важно, заедно и засекогаш.

Ми се допадна и традицијата на прослава на именден – кога се канат сите роднини и се прави посна вечера.

Сега имам и свој светец – Свети Никола. Во Украина на тој ден децата добиваат слатки под перницата од Свети Никола.

Омилена македонска поговорка...

Еднаш бевме со Никола на стенд-ап (кај Тино и Атанас) и таму требаше да кажуваме поговорки.

Многу добро запомнив една поговорка што ја кажа Никола, „Кој копа јама за друг, сам во неа паѓа”.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело