Ана Атанасиа од Неготино: „Бев на Модната недела во Париз со ВИП клиентка од Дубаи за да ја шминкам - таа ми обезбеди сè“

Детали

вторник, 04 февруари 2025

„Поканата ја добив од ВИП клиентка од Дубаи, за која имав чест да шминкам за ревиите, и како дел од тоа, ми беше обезбедено сè, луксузен хотел за мене и мојата сестра, приватен возач, па дури и резервации на ексклузивни места. Ах, Париз...“, вели Ана Атанасиа Најдова (32) од Неготино за CRNOBELO.com.

Ана Атанасиа Најдова (32) од Неготино, веќе 9 години живее во Дубаи и Абу Даби и работи како шминкер, едукатор за шминка и бизнис консултант за салони за убавина.

Таа сега со ВИП клиентка од Дубаи имаше можност да присуствува на Модната недела во Париз, каде вели дека ѝ било обезбедено буквално сè и дека станувало збор за прекрасно искуство.

Ана Атанасиа ги споделува своите впечатоци за CRNOBELO.com:

„Искрено, уште се обидувам да ги соберам впечатоците од ова неверојатно искуство.

Париската Haute Couture недела е нешто што секој моден ентузијаст сонува да го доживее, но јас не само што присуствував на ревиите, бев дел од целата приказна.

Поканата ја добив од ВИП клиентка од Дубаи, за која имав чест да шминкам за ревиите, и како дел од тоа, ми беше обезбедено сè, луксузен хотел за мене и мојата сестра, приватен возач, па дури и резервации на ексклузивни места.

Секој момент од тоа патување беше исполнет со гламур и елеганција.

Париз во тој период е нешто сосема друго — на улиците гледаш луѓе со беспрекорен стил, дизајнери, модели, уметници… Модата е во воздухот, и сè изгледа како дел од некоја филмска сцена

Апсолутно магично! Ова не се обични модни ревии, ова е уметност што оживува пред твоите очи.

Модното шоу на Dior беше еден од најимпресивните моменти, атмосферата, музиката, приказната што ја раскажуваа преку материјалите и силуетите… се чувствував како да сум дел од нешто историско.

Zuhair Murad, пак, беше совршенство во секој детаљ, рачно извезени кристали, бајковити фустани кои изгледаа како да припаѓаат на кралици.

Во живо изгледаат уште подраматично и поимпресивно отколку на фотографии. Tony Ward и Ronald van der Kemp беа друга димензија — поигрување со форми структура, елеганција со авангарден момент.

Продолжува на следната страница...