Марија од Скопје свири труба: „Сум доживеала многу предрасуди, мислеа дека ќе се откажам“

Колку време ти треба да се подготвиш за еден концерт? Колку часови дневно вежбаш? Дали можеби некогаш им пречиш на соседите?

Сè зависи од тежината на делата што ги свирам. За концерт со оркестар се спремам со неколку проби, додека за соло концерт се спремам неколку месеци.

Дневно вежбам околу 4-5 часа. Потекнувам од музичка фамилија, така што кај нас свирењето е секојдневие, многу често знаеме и заедно да музицираме.

Што се однесува до соседите, никогаш не сум имала проблем, сите сакаат музика.

Може ли да се заработи доволно за живот кај нас како свирач на труба? Кои се најголемите предизвици за еден млад музичар како тебе?

Дефинитивно може. Ако си квалитетен и трудољубив музичар, можеш да заработиш многу пари. Никој не те ограничува со само едно нешто.

Најголемите предизвици се додека да се вработиш, додека да стекнеш популарност кај луѓето доколку се занимаваш со други жанрови.

Треба повеќе да се поддржуваат и ценат уметниците.

©CRNOBELO.com Забрането преземање и копирање. Крадењето на авторски текстови е казниво со закон.

Софија Спирова | Црнобело