Зои Блаж: „Ми кажаа дека нема да станам мајка поради хормоналниот дисбаланс, но по години неизвесност и солзи - добив ќерка“

Како се чувствуваше во моментот кога дозна дека конечно ќе станеш мајка? Што ти значи мајчинството денес, по сè што си помина?

Збунето, среќно и не ми се веруваше дека е тоа реалност веќе, па купив од сите тестови да се уверам.

Мајчинството е дар од Бог е тоа, не може да се опише со зборови.

Какво искуство беше породувањето во Германија? Долови ни ja состојбата од болниците таму?

Ух, два дена траеше породувањето, доста тешко поминав, но вредеше и сè би повторила.

На породувањето имаше бабица која ме породуваше, гинеколог, јас и Тадеј. 

Знам кај нас дека е многу поразлично, како и водењето на целата бременост.

Јас пример не се породував на бокс и мене ми беше баш чудно ама и успешно природно породување. 

Сакав природно да се породам и успеавме во тоа и многу сум среќна и благодарна. 

Јас си изнајмив апартман, сакав да сум сама со Мариа и да може Тадеј да дојде кога сака. Тука бебето е со мајката во соба и сè правиш сам.

Еднаш ми покажаа како се менува пелена, како се дои и како се дига правилно бебето.

Болницата е убава и чиста, имаш достапни сестри 24/7 за какви било прашања.

Имаше и добри ама имаше и многу лоши и безобразни сестри, аи храната не беше баш убава. 

Нè задржаа само два дена и дојдовме дома.

Сега секој ден ми доаѓа бабица, ме прегледува и мене и Мариа и ќе доаѓа сè додека имам потреба од неа, достапна ми е 24/7 и тоа ми дава сигурност.

Koja порака би им jа пренела на жените кои сè уште се борат со слична ситуација?

Никогаш да не се откажат колку и да е тешко, Бог дава сè на луѓето што се борат и има зошто е тоа така.

Само трпение – едноставно не дошол денот.

Најважно е да пронајдат соодветен доктор со искуство за нивниот проблем, да го слушаат, да се трпеливи и да веруваат и да се молат на Бог, сè е во негови раце.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело