Вера Мештеровиќ за стилот и убавината: „Одам на масажа двапати неделно, и во зима користам SPF50“

Детали

вторник, 15 јули 2025

„Долго време не внимавав на исхраната, но ми се појави интолеранција на лактоза, на глутен. Тие ми создаваа чувство на надуеност, тешкотии, па се трудам да ги избегнувам, а избегнувам и бел шеќер и црвено месо“, вели првата Мис на Македонија, Вера Мештеровиќ, која за CRNOBELO.com детали за својот стил, фитнес рутините, начинот на исхрана...

Вера Мештеровиќ (46), првата Мис на Македонија, е дипломиран менаџер по царина и шпедиција, а и денес повремено работи како модел.

Но, таа е водителка на утринската програма „Здраво Македонијо“ и многу често е на ТВ-екраните.

Секогаш дотерана, нашминкана, средена, Вера остава впечаток на дама која навистина се грижи за себе и за својот изглед.

Во разговор за CRNOBELO.com, Вера ни раскажа за своите ритуали за нега и убавина, но и тајните на нејзиниот стил на облекување и фитнес рутини:

Стил на облекување

Зависно од тоа каде треба да се појавам, таков е и мојот стил на облекување.

Дома ми е спортски, кежуал; за работата во утринска е, секако, соодветно на тоа што го бара телевизијата; кога станува збор за настани, имам партнери со кои соработувам во однос на облекувањето и се трудам да одговорам на задачата, особено кога е нагласен некој дрес код.

Од облека најмногу купувам хулахопки, ха, ха, пазарувам и кај нас и надвор, иако, кога сум во странство повеќе сакам да прошетам и да го разгледам местото каде што се наоѓам, отколку да ги разгледувам продавниците.

На пат не тргнувам без костим за капење, тоа обавезно мора да имам, без оглед дали сум сместена во хотел во кој има спа или не.

Дали има нешто што не би облекла никогаш? Па не знам.

Со оглед на тоа што сум Мис, што имам работено и како манекенка и фотомодел, се случувало на ревии или за сликање да носам работи кои и не ми се допаѓале баш, но мора да си професионален и да го износиш тоа што ти го дале.

Омилено парче од мојот плакар ми е накитот.

Сакам бисери и интересен накит. Не се китам толку многу, но прво нешто што секогаш гледам е - накит.

А како омилено парче од облеката, тоа ми се фустаните.

Многу сакам фустани, без разлика дали се спортски, елегантни или коктел фустани. Нив и ги имам најмногу во мојот гардеробер, заедно со шорцевите.

Продолжува на следната страница...