Ане Апостолоска е дама со впечатлив стил: „Немам за луксуз, сакам ведри бои, а кратката коса ми е опсесија по хемотерапијата“

Често се сликам пред своето огледало и си ја ставам комбинацијата на Инстаграм да ми биде запаметена.

Многу ретко носам иста комбинација и секој ден за мене е предизвик. Го отворам плакарот, ги разгледувам боите и веднаш правам некоја комбинација.

Премногу ја сакам природата, сакам убави места, сакам да патувам доколку имам можност и преку фотографија сѐ да ми биде евидентирано.

Обожавам да гледам средени и чисти луѓе и многу ми е мерак кога ќе видам средена девојка во сопствен стил, што би се рекло, дури и жена да се сврти да ја погледне.

Месец октомври е мој месец, тука е мојот роденден и тој месец имам посебен моден детаљ, а тоа е розовата панделка (симболот на борбата со ракот на дојка).

Не сакам шминка, преферирам природен и нежен изглед и многу ретко можете да ме видите нашминкана и со тешка пудра. Водам грижа за моето лице, но претежно користам органска козметика.

За крај би потенцирала, за да изгледаш убаво пред сè треба да си здрав, да зрачиш, душата да ти се смее.

Кога си здрав, ја имаш моќта да создаваш, да креираш и да комбинираш, затоа на сите би им посакала да се здрави, среќни и исполнети со љубов, па колку и да не уживаат во гардеробата само нека ја носат насмевката со себе.

Насмевката е еден од најубавите, ако не и најубав моден детаљ, на секој човек. Нема да згрешите, верувајте ми“.

Повеќе фотографии на следната страница...