Столе Димитриевски за CRNOBELO.com: „Сопругата ми го критикува модниот стил, сонувам да се пласираме на Светско 2026“

Детали

среда, 19 ноември 2025

„Првото кафе го правам сам дома пред да излезам за на тренинг. Во последно време се трудам да не пијам повеќе од 3 кафиња дневно и после 6 попладне не пијам кафе. Не ми смета кофеинот, но мислам дека за мене е најдобро по 6 саат да престанам“, вели Столе Димитриевски за CRNOBELO.com, кој е огромен вљубеник во кафето.

Долги години фудбалската мрежа на Македонија ја чува кумановецот Столе Димитриевски (31). Голманот, кој живее во Шпанија, е страстен љубител на кафето, до толку што најчесто си го подготвува сам дома, а има и специјална машина за кафе.

Столе е и голем вљубеник во модата, а комбинациите кои ги избира тој, не многу мажи би се осудиле да ги облечат.

Искрено вели дека дури и најблиските знаат да го искритикуваат за модниот стил, ама па ни тој не им останува „покус“ кога тие ќе облечат нешто што нему не му се допаѓа.

Столе во интервју за CRNOBELO.com

За стилот, кафето како огромна љубов, за животот и фудбалот во Шпанија, но и за убавите моменти со македонската репрезентација, Столе раскажа во интервјуто за CRNOBELO.com:

Пред околу една и пол година се пресели од Мадрид во Валенсија... Дали после 18 месеци се навикна на животот таму?

Па добро, за мене ова беше баш голема промена. Отидов во поразлична средина од она што го знаев изминатите години, ама да, полека-полека се навикнав, и веќе една година година живеам во Валенсија без никакви проблеми.

Баш тоа и го зборував со моите, пред преселбата, зборувавме дека преселбата ќе ми биде промена, но се покажа дека не е многу драстична.

Те посетиле ли веќе во Валенсија, зашто знам дека во Мадрид доаѓаа и мајка ти и татко ти и сестра ти...?

Па, да, цело време ми доаѓаат на посета. Интересно е што мајка ми и сега е повеќе за Мадрид, а на татко ми повеќе му се допаѓа Валенсија.

И сестра ми мислам дека Мадрид ја влече повеќе.

А тебе?

Јас, најискрено, од ден на ден во Валенсија се чувствувам поубаво, но сепак Мадрид го сакам можеби повеќе затоа што сум поминал шест години таму и имам доста добри сеќавања.

А најде ли добри места за кафе во Валенсија, знаејќи ја твојата страст за кафето?

Иако сум веќе долго време таму, уште истражувам низ Валенсија.

Тоа е помал град, нема толку многу за истражување и откривање работи како во Мадрид.

Али, мислам дека веќе научив кои се најдобрите места.

Каде ти е кафето поубаво - кога го пиеш во некое кафуле или кога ќе си го направиш дома, сам, со мерак?

Тоа се две различни чувства. Првото кафе го правам сам дома, наутро, пред да излезам за на тренинг, а сакам да пијам добро кафе и во кафуле.

Искрено, не можам да изберам, да издвојам само едно.

Во последно време се трудам да не пијам повеќе од три кафиња дневно.

Без оглед дали сум дома или излегувам, се држам до тоа да не пијам повеќе од три кафиња дневно.

После шест попладне не пијам кафе. Не ми смета кофеинот, може да пијам и после вечера, али не сакам.

Мислам дека за мене е најдобро до шест саат да го испијам третото и после тоа да престанам да пијам кафе.

Имаш интересен моден стил. Колку трошиш месечно на гардероба?

Најискрено, може малку повеќе од нормално, но немам никогаш пресметено, не можам да кажам точна сума.

Продолжува на следната страница...