Maкедонка имаше кралска свадба во Франција - во замок со џез и луксуз, траеше 3 дена

Фустанот беше инспириран од иконската Грејс Кели, но со современи елементи: наместо класична „бал“ форма, имав нагласени колкови и драматичен четири метарски шлеп украсен со нашиот семеен грб – специјално нарачан од баба ми.

Шлепот и проѕирната кошула над корсетот беа богато рачно везени, вложувајќи десетици часови рачна работа за финализација. Фустанот имаше повеќе од шест елементи и ми требаше речиси еден час да се облечам целосно.

Сите мои тоалети за трите дена – петочната свечена вечерна тоалета, утринскиот фустан за подготовки, главната венчаница, парти-фустанот за вечерната забава и неделниот фустан за бранч – беа рачно изработени од мојата мајка и баба, секој со уникатен карактер и класични детали кои ме претставуваат мене.

Букетот беше долг „waterfall“ ефект од моите омилени цветови – орхидеи.

Првите средби

Пред црквата имавме наша прва средба со Денис – приватен момент што го овековечивме со мало „интервју“ за тоа како се чувствуваме пред големиот момент.

Следеше емотивна средба со татко ми, кој заедно со мајка ми ме придружуваше со олдтајмер автомобил до црквата.

Церемонијата во црквата

Црквата беше целосно затемнета – единствената светлина доаѓаше од стотици свеќи.

Целиот влез беше инспириран од сцената на свадбата во филмот „Crazy Rich Asians“ – од музиката, до декорацијата и мистичниот ефект на влезот.

Наместо вода, поставивме машина за чад за да создадеме магична атмосфера, што на сите им ја одзеде здивот.

Симболичната служба ја водеше француски свештеник, со читања од страна на семејството на Денис.

Нашите лични завети беа најемотивниот дел – јас заплакав уште при првиот збор и морав да направам пауза пред да продолжам. Подоцна ми кажаа дека речиси сите плачеле, но јас гледав само во него.

На олтарот ме донесоа и двајцата родители – за мене тоа беше симбол на еднаквата важност која ја имаат во мојот живот.

Истото го продолжив и со првиот танц: традиционално тој е резервиран за таткото и ќерката, но јас направив изненадување – во половина од танцот, татко ми ме предаде на мајка ми.

Нивната реакција беше полна со радост и солзи.

Продолжува на следната страница...