Нашата Миа (9) тренира уметничко лизгање во Германија: „Почна на 5 години, не се обесхрабрува ни кога ќе падне“, вели мајка ѝ

Инаку, уметничкото лизгање се смета за еден од најскапите спортови. Се плаќа мразот, тренерите, опремата, камповите, тестирањата, кореографиите и натпреварите. Секој сегмент носи дополнителен трошок.

Сепак, за нас ова е инвестиција во нејзиниот раст, талент и карактер. Додека таа ужива во она што го прави и има волја, ние како родители ќе бидеме покрај неа да ја поддржиме во тоа што го сака.

Миа многу ја сака модата и секогаш сака да ја комбинира гардеробата за тренинг и натпревари, и најчесто мразот го користи како место за модно изразување.

Таа е бренд амбасадор на италијанскиот бренд Thuono и на естонискиот бренд UgoSkate кои се специјализирани за висококвалитетна облека и опрема за уметничко лизгање.

Но сепак сакавме натпреварувачкиот фустан да биде со потпис на наш дизајнер и ја имавме таа чест  што оваа година нејзиниот костим го изработи македонскиот дизајнер Златко Јовановски - ЈЗЈ.

Костимот е инспириран од музиката на нејзината програма, а инаку е рачно изработен, уникатен и впечатлив.

Инаку, имаме желба таа да биде дел и од Македонската лизгачка федерација. Веќе две години чекаме одговор од федерацијата и од Министерството за спорт.

Веруваме дека децата од дијаспората, кои постигнуваат успеси надвор од државата, треба да добијат поддршка и можност да бидат дел од и од Македонскиот спорт“.

Кликнете и погледнете неколку видеа од Миа:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело