Кавадарчанката Елена Минова (22) 9 години живее во Канада: Здравството е бесплатно, Канаѓаните помагаат секому, но, нема дружење како во Македонија

Пет најубави места во Канада?

Канада има големи резерви на свежа вода, многу прекрасни езера и недопрени шуми. Всушност, Канада има повеќе езера од сите други земји во светот заедно. Значи, не е изненадување што ние како жители ја пиеме најдобрата вода.

Друга работа во врска со Канада е дека стапката на загадување е пониска од повеќето држави низ светот. Канада се состои од една здрава животна средина. Оваа држава има безброј места што се убави и уникатни, но, кога би требала да изберам топ 5 тоа би биле:

1. Нијагарините водопади (Онтарио)

2. Ледениот замок Едмонтон (Алберта)

3. Националниот парк Банф (Алберта)

4. Торонто (Онтарио)

5. Ботаничката градина во Монтреал (Квебек)

Кога сме на оваа тема, би му препорачала на секој кој што сака да ја посети Канада да оди на дводневното патување со воз помеѓу Ванкувер и Националниот парк Банф. Ова ви дава можност да патувате низ карпестите планини во Канада и да поминете една ноќ во преубавиот Национален парк Банф.

Канаѓаните не се љубители на патувања надвор од државата, тие патуваат низ Канада евентуално до Америка. Голем број од нив имаат викендици на езера или планини во кој го поминуваат секој продолжен викенд, а многумина и кампуваат.

Колку е скап животот?

Постојат огромни разлики во цените помеѓу градовите и регионите. Според последните статистики кои ги имам читано, изнајмувањето на стан во најскапите градови (Торонто и Ванкувер) започнува од $1000 месечно.

Во врска со храната, возрасно лице троши $275- $375 месечно на оброци. Ова најмногу зависи од храната која ја преферирате и од каде купувате. План за мобилен телефон во просек чини $55- $90 месечно.

Јавниот превоз во Онтарио чини $152 месечно.

Минималната плата е $14 а просечната плата е $22- $31 на саат.

Велат дека Канада е една од најбезбедните земји за живот...

И тоа е вистина. Се разбира кој бара проблем, ќе го најде, но стапката на криминал е релативно ниска. Ова е општество управувано од владеење на правото.

Економски, Канада е прилично силна, и постои добра мрежа за социјална безбедност за да им помогне на обесправените луѓе. Ако имате куќа и храна, помала e веројатноста да направите кривично дело.

Разликата што веднаш овде може да ја почувствувате е дека луѓето овде ќе ве почитуваат за она што сте и како се однесувате, а не кого познавате или каков е вашиот економски статус.

 ©CRNOBELO.com Забрането преземање и копирање. Крадењето на авторски текстови е казниво со закон.

Е. П. | Црнобело