Сања Камберска: „По илјадници таблети, стотици инјекции, безброј солзи ја добив мојата Каја“

Детали

вторник, 09 јуни 2020

Сања Камберска отворено говори за битката со стерилитетот, за асистираното оплодување и тешкиот пат до улогата на мајка … „Но, за да станам мајка на Каја вредеше секоја жртва“, вели таа.

Сања Камберска, дипломиран преведувач по албански јазик, на нејзини 30 години ја доби најубавата улога во животот – мајка, но патот до тоа дефинитивно не бил лесен.

Таа во интервју за CRNOBELO.com искрено говори за борбата со стерилитетот, за асистираното оплодување, за тешкиот процес и душевната болка, но и за убавината на улогата мајка.

Каков беше патот до станувањето мајка?

Мајчинството со себе носи многу обврски и големи промени во животот и да дојдеш до таа значајна животна улога патот не е секогаш лесен, но надежта дека на крајот од тој тежок пат ќе добиеш плод ти дава сила да се соочиш со неплодноста и да не се откажеш во борбата.

Кога се омажив за мојот сопруг пред 5 години не ни размислувавме дека нашата најголема борба ќе биде обидот да основаме семејство. По година ипол активно обидување да останам трудна (а не можев природно поради стерилитет) со мојот сопруг се одлучивме за асистирана репродукција (вештачко оплодување).

Година ипол илјадници таблети, стотици инјекции, безброј солзи, 9 јајце клетки, 2 ембриони.

Година ипол надеж, верба и едно прекрасно срцебиење.

Понекогаш ти доаѓа да дигнеш раце од сè, да се откажеш од сета таа болна процедура (мислам на онаа огромна душевна болка), но сепак кога ќе се сетиш дека си жеден за детска смеа, за своја наследник/чка тогаш сфаќаш дека вреди секоја жртва. Во тој тунел во кој си заглавен секогаш има една светла точка која те тера да продолжиш понатаму и да го најдеш излезот.

Патот беше макотрпен, минав денови и денови во болница, душевната болка е немерлива, но сето тоа вредеше за да ја добијам мојата Каја.

Колку поддршката од сопругот беше клучна во целиот процес?

Сфатив колку е важна поддршката од мојот сопруг. Тој секогаш беше со мене на сите прегледи, секогаш знаеше да ме насмее, да ме охрабри дека сè ќе биде во ред, дека сум силна, дека можам да го истерам овој пат, дека мора позитивно да размислувам, дека тоа што е наше ќе си дојде (дали сега или подоцна).

Што значи да се подложиш на Ин витро процедура? Колку е голем стресот притоа?

Довербата во докторот е многу важен фактор за успехот. Релацијата пациент-доктор е исклучително важна, а исто така и психолошкиот момент.

Многу битно е да се има дисциплина, спокој, трпение и поддршка од најблиските.

Колку години имаш проблеми со природното забременување?

Мојата приказна за мајчинството во основа е многу убава и среќна. Познавам жени што војуваат битка и по 8-9 години, така што би било грев да се пожалам.

Кај мене сè се случи многу брзо. Со многу љубов и малку наука добивме одговор на нашите молитви. По речиси девет месеци чекање, конечно се наѕираше светлината од крајот на тунелот.

Продолжува на следната страна...