Дарко и Верче во ТОЈ/ТАА интервју: Што сака најмногу кај неа, кој ѝ е најубавиот миг со него – детали од скопска љубовна приказна

Кај Дарко/Верче најмногу те нервира …

Дарко: Кај неа најмногу ме нервира што не сака да послуша сè она што ѝ кажувам иако знам каков ќе биде крајниот исход, и инаетот секако како и кај секоја жена (хаха).

Верче: Кога нема да ме послуша за нешто, а на крај ќе сфати дека сум во право.

Омилена особина на Дарко/Верче ти е …

Дарко: Омилена особина ми е тоа што е искрена.

Верче: Доволно би било ако само ја кажам трпеливоста пред сè.

Најубавиот миг во вашата врска досега ви е...

Дарко: Убави мигови има често, но доколку морам да одвојам тоа нека биде првото наше заедничко летање со авион, бидејќи и двајцата сакаме патувања и адреналин.

Верче: Сите, не знам, но мислам дека доволни би биле фотографиите кои ви ги имаме испратено во прилог да говорат сами за себе наместо јас. Како велат една фотографија 1.000 зборови, но доколку тоа треба да се опише со зборови, ајде тоа нека биде миг од оваа година и посетата на местото „Пешти“, кое се наоѓа во близина на Велес, каде буквално цел ден си го посветивме сами на себе покрај реката Бабуна.

За што се расправате најчесто?

Дарко: За ситници тргнувајќи од „народната“ кои мене ми изгледаат како мравка, но на неа како слон …

Верче: Најчесто сум јас таа што се кара за некоја ситница, што он ќе ми објасни на смирен начин дека не е вредно за тоа да се караме и да губиме време.

Каде се гледате за 10 години отсега?

Дарко: Хмм, никогаш не размислувам за иднината, особено за толку многу далеку, но секако за 10 години се гледам во топло и хармонично семејство.

Верче: Мислам дека секој треба да живее за сегашните моменти поминати со саканите личности, на ова прашање одговорот ќе дојде за 10 години.

Доколку познавате пар кој би бил интересен за ваков тип на интервју пишете ни на Оваа е-адреса е заштитена од спамботови. Треба да ви е овозможено JavaScript за да ја видите..

Повеќе фотки од Дарко и Верче на следната страна...