Интервју со Кристина Неделковска (27), фитнес тренер и една од најзгодните Македонки со облини


Интервју со Кристина Неделковска (27), фитнес тренер и една од најзгодните Македонки со облини

Кристина Неделковска (27), со право може да ја наречеме една од најзгодните девојки во земјава. Таа е фитнес тренер во фитнес клуб Атлета во Скопје веќе 4 години, а со вежбање посериозно започнала да се занимава во 2014-та година.

intervju-so-kristina-nedelkovska-27-fitnes-trener-i-edna-od-najzgodnite-makedonki-so-oblini-001.jpg

Во 2018-та станува Фитнес Велнес шампион на Македонија - категорија во фитнес натпреварувањата каде се бара женствена фигура со облини, волуменозни нозе и задник и тесен струк, карактеристични за бразилските жени кои се и основачи на самата категорија.

Вели дека во Македонија, мажите се повеќе посветени на вежбањето отколку жените, препорачува последниот оброк да биде 2 часа пред легнување, а со нас сподели и фотки од нејзината трансформација.

Како изгледа еден ден на Кристина? Колку време одвојуваш за вежбање?

Мојот ден започнува рано наутро со домашните обврски и спремањето појадок, како и останатите оброци за денот за мене и моето момче. Готвењето е моја втора пасија и затоа многу време поминувам во кујна.

Потоа одам на работа и поголемиот дел од денот го минувам со вежбачите во теретана, но и контактирајќи со моите онлајн клиенти чија проверка е моја секојдневна рутина.

Во попладневните часови одвојувам час и половина за мојот тренинг, 4 пати во неделата.

intervju-so-kristina-nedelkovska-27-fitnes-trener-i-edna-od-najzgodnite-makedonki-so-oblini-02.jpg

Колку години си посветена на активно вежбање? Може ли да споделиш со нас фотографија од твојата трансформација?

Од дете спортувам, прво кошарка, па тенис, потоа и фитнес. Секогаш сум била активна, некогаш помалку, поготово кога бев студент, тој период и имав некое кило повеќе, но ништо сериозно, секогаш наоѓав време да се вратам во форма.

Ова е една фотографија од моето тело во 2014-та и 6 години подоцна:

intervju-so-kristina-nedelkovska-27-fitnes-trener-i-edna-od-najzgodnite-makedonki-so-oblini-003.jpg

Како изгледааат твоите оброци? Што е важно да се има предвид кога се внимава на тежината и каков е твојот став за суплементи?

Мојата исхрана се состои од 3 главни оброци, и 2 ужини. Бидејќи сум задоволна од својата килажа и форма, се одржувам со тоа што исхраната ми е балансирана. Тоа значи дека повремено си дозволувам и нешто слатко или пица.

Кога зборуваме за слабеење или пак кога сакам да се спремам за на плажа, исхраната е поограничена и чиста. Важно е да се јадат протеини кои ги има во месото, јајцата, рибата и мешункастите зеленчуци, јаглехидрати од овес и ориз, и здрави масти како авокадо, јаткасти плодови и маслиново масло. Сето тоа го надополнувам со многу зеленчук и салати и по еден протеински шејк како суплемент, додаток во исхраната.

Препорачувам користење на суплементи, кога се има потреба од тоа, како на пример протеинскиот шејк кога треба да се задоволи потребниот протеински дневен внес.

intervju-so-kristina-nedelkovska-27-fitnes-trener-i-edna-od-najzgodnite-makedonki-so-oblini-04.jpg

Дозволени ли се „cheat days“ во твоето секојдневие и дали консумираш алкохол?

Да, консумирам алкохол. Јас сум љубител на виното, но пијам ретко, во добра пригода или друштво по 1 чаша или 2. „Cheat days“ нема во моето секојдневие, но „chеаt meal“, еден оброк, да.

Исто како и со виното, за задоволство на душата знам да порачам пица или бургер, но како што кажав тоа е ретко, еве попрецизно еднаш месечно.

Што вклучуваат твоите тренинзи? Може ли да ја расчистиме заблудата дека ако жените креваат тегови, нема да изгледаат како мускулест маж?

Моите тренинзи се навидум слични и се составени од основни вежби кои навистина функционираат и кај мене на тренинг нема експериментирање со фенси Јутјуб вежби.

Тренинзите се поделени по мускулни групи - 2 пати се тренираат нозете/задникот и 2 пати горниот дел.

Кардио тренинзите се за додатна потрошувачка на калории кои ги вклучувам по потреба. Кога целта е да се симнат килограми тие се задолжителни, во комбинација со тренингот со тегови.

Заблудата околу тоа дека вежбањето со тегови може да направи премногу изразени мускули мораме да ја разјасниме еднаш и засекогаш бидејќи сме 2021 година и треба повеќе да се едуцираме околу човечката анатомија и организам.

Жена ако вежба со тегови може да направи мускули доволно за да изгледа затегнато, тонирано и секси, и нема да личи на маж бидејќи жените немаат хормони како мажите.

Три основни вежби кои ги вклучуваш во секој тренинг?

Чучнувања и исчекор во тренинг за нозе и веслање во претклон во тренингот за грб.

За колку време може да се забележи разлика во изгледот на телото доколку се вежба редовно и се внимава на исхраната?

Ова е најчесто поставуваното прашање кога некој доаѓа на вежбање. Штом ќе почнете да вежбате и да внимавате на исхраната вие ќе се чувствувате поинаку. Разлика можете да видите и после 1 месец.

Но, секогаш имајте на ум, овој дел зависи само и само од вас, односно колку вие се придржувате до инструкциите кои ви ги дава тренерот.

Гладување и изгладнување – како ова влијае на телото и килограмите?

Кога гладувате килажата опаѓа, но слабее и вашиот организам и метаболизмот се забавува. Ова е нездрава опција за намалување на килограмите и има многу несакани ефекти. На крајот доаѓа до повторно дебелеење и враќање на несаканите килограми.

На следната страна разговараме за тоа колку чести оброци треба да имаме и дали Македонците се активни на фитнес сцената...



Би можело да ве интересира:

Василие Стојановски, eлектроинженер кој работи како фитнес тренер: „Ги менувам луѓето физички, духов... Василие Стојановски (27) од Скопје е дипломиран електроинженер, кој се занимава ...
Виктор Мазнев, велешанецот со срце планина: „Имам спасено стотици бездомни кучиња и не сопирам“ „Срцето на човекот можеме да го процениме според тоа како ги третира животните“,...
Живко Грозданоски: „Стравот е гладна ѕверка која се храни само со нашиот немир“ Се трудам помеѓу мене и мојот страв да подигнам едно непробојно стакло од смирен...

Најчитани неделава

sonovnik-sidebar.jpg