Едвина е Филипинка мажена во Велес: „Обожавам сарма и ја сакам љубезноста на Македонците“


Едвина е Филипинка мажена во Велес: „Обожавам сарма и ја сакам љубезноста на Македонците“

 Едвина Јанга Гочев е 37-годишна Филипинка која љубовта ја донесе во македонскиот град Велес, каде живее со својот сопруг Митко и двете деца, Адријана и Матео.

edvina-e-filipinka-mazhena-vo-veles-najmnogu-obozhavam-sarma-i-ljubeznosta-na-makedoncite-01.jpg

Eдвина ни открива дека омилено јадење и е македонската сарма, а обожава да подготвува баклава и трилече. Ја сака македонската природа, а омилен град и е нејзиниот Велес. Признава дека од Филипините ѝ недостига храната, а полека го учи македонскиот јазик.

За животот во Велес Едвина споделува за CRNOBELO.com:

Каде го запозна твојот сопруг и дали беше тешко да се донесе одлуката да живееш во мал град во Македонија?

Со сопругот се запознав на брод каде што двајцата работевме, јас како крупие во казино, а тој во гифт-шоп. Се венчавме на Филипините, и потоа работевме уште еден договор заедно додека јас не останав бремена на брод.

Јас се вратив дома на Филипините, додека мојот сопруг средуваше документи за јас да можам да дојдам и живеам во Македонија. Веќе четири години живеам во Велес.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -16.jpg

Каков е животот во Велес како странец и мајка на две мали деца?

Јас имам лесен и едноставен живот во Велес. Не ми е потребно да возам за да стигнам до продавници, аптеки, амбуланта или болница, паркови и ресторани. Како мајка на две деца ова многу ми помага. Секаде можам да стигнам сама и ги земам моите дечиња со мене.

Што најмногу ти се допаѓа во Македонија?

Ми се допаѓа воздухот, многу е поразличен од Филипините, а и од другите земји кои сум ги посетила. Ми се допаѓаат езерата, планините, природата и реките со бистра и ладна вода.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -06.jpg

Што не ти се допаѓа во Македонија?

Не ми допаѓа тоа што не може да се најде добро платена работа.

Дали го научи јазикот и дали имаше проблеми да комуницираш со Македонците?

Тешко ми е да го научам македонскиот јазик бидејќи ми зборуваат англиски, вклучувајќи ја и мојата свекрва. Но, сепак успеав да научам основен македонски јазик.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -14.jpg

Која е најголемата тешкотија со која се соочуваш како мајка и странкиња во Македонија?

Најтешко ми е што немам работа и кариера. Долги години сум невработена. Како млада мајка со мали деца ми беше во ред бидејќи целосно им бев посветена на нив, но сега тие се пораснати и сакам и ми треба работа. Тоа што не можам да најдам работа ме растажува, бидејќи сакам да работам, а не само да седам дома.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -07.jpg

Дали е тешко да ги растеш децата во земја која не е твоја матична земја?

Не ми е тешко да ги растам моите деца во земја во која не сум родена. Ми се допаѓа македонската култура и храна, и повеќето Македонци се добродушни и љубезни луѓе. Немам никакви проблеми моите деца да растат тука.

Како те прифатија велешаните?

Локалното население одлично ме прифати и секогаш се многу гостопримливи и љубезни спрема мене. Мислам дека добродушноста, гостопримливоста и љубезноста се основните одлики на македонскиот народ.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -17.jpg

Што ти се допаѓа од нашата кујна и што научи да готвиш?

Сармата е моето омилено македонско јадење бидејќи е превкусна. Обожавам да готвам македонски десерти како баклава, трилече и раванија.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata -02.jpg

Дали тешко се навикна на животот во Македонија?

Филипинците се ориентирани кон семејството и прилично религиозни со почит кон уметноста, модата, музиката и храната, па затоа иако доаѓам од земја која е далеку од Македонија, јас успеав да се адаптирам.

filipinkata-edvina-za-zivotot-vo-makedonija-go-sakam-ednostavniot-zivot-vo-veles-prirodata-i-sarmata  -08.jpg

Продолжува на следната страна...



Би можело да ве интересира:

Игор Џамбазов: Не, немам ќерка! Го знаеме како актер, водител, шоумен, а можеби и никогаш не сте знаеле дека сак...
Катарина Ивановска: До 3-ти месец ни моите дома не знаеја дека сум бремена Во Македонија и Скопје ја знаеме како Кики, девојката која што надвор од овие гр...
„Животот е прекрасен, тажно е да го поминете пред телевизор и со телефон во рака“ - интервју со Иван... Јавноста ја препознава по нејзиниот впечатлив, уникатен и храбар моден израз, но...

Најчитани неделава

sonovnik-sidebar.jpg