Анета Здравковска: „Дијагнозата рак на дојка ја добив на 39 години, додека ја доев ќерка ми - се изборив за моите деца“

Најдобриот совет што ти го дадоа за процесот на лекувањето е?

Најдобриот совет ми беше од оние кои ја поминале оваа болест, дека сè ќе помине само треба да се издржи. Дека Господ им ги дава јаките битки само на најхрабрите војници.

Сметаш ли дека болеста те направи посилна?

Секако, ова искуство ме направи многу посилна и похрабра. Не дека и претходно не бев силна, но токму ова искуство во животот ме направи уште поцврста и похрабра.

Ова ми беше најголемото искушение досега од кое излегов како победник.

Направи ли промени во исхраната? Како изгледа твоето дневно мени?

Промени има да, но не дека и претходно се хранев нездраво, единствен порок ми беше благото. Сега го редуцирав, а денот го започнувам со овесни снегулки, чиа семе, смути, многу зеленчук, а овошјето и лебот ги консумирам послабо.

За ручек секогаш сакам домашно готвени манџи и многу салата, а не сум љубител на месото. Вечерата пак ја избегнувам.

Што друго промени во начинот на живот?

Да бидам искрена, додека се лекував си ветив дека повеќе нема да си ја трошам енергијата за небитни работи и дека проблемите ќе ги прифаќам како предизвик.

Си ветив и повеќе време за себеси кое го користам во долги прошетки низ парк шумата Гази Баба, каде што живеам и секое слободно време го користам за читање на книги.

Порака до сите што во моментот минуваат низ истото…

Ако си на почеток на својата борба против ракот, можеби ти се чини дека крајот на лекувањето е далеку, но истото чувство го имав и јас, деновите и ноќите беа предолги, но здив по здив со главата горе, врвот се гледаше, а маглата се креваше.

Битката ќе ја добиеш само со јака верба во себе и на крајот од војната, ние сме победници.

Повеќе фотки од Анета:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело