Деспина од Скопје чува зајче: „Пинки обожава банани, а им ги грицка и чантите на моите другарки“

Како реагира зајчето кога ви доаѓаат гости? Постојат ли правила што смеат, а што не смеат да прават гостите кога станува збор за односот кон него?

Пинки и општо зајчињата имаат јак слух, тие се плашат од секое нагло движење, па гостите потребно е да не прават гласни звуци и нагли движења.

Со што се храни зајачето? Колку пати дневно е потребно да му подготвиш оброк и со што најчесто го храните?

Пинки конкретно го хранам со сено, јаболка, обожава банани, од зеленчук краставица и морков, а исто морам да кажам дека Пинки сака многу смоки, па знам еднаш во денот да му дадам награда.

Дали си имала некој немил настан со зајачето?

Да, ги грицка сите чанти на моите другарки. Тој по природа е глодар, но јас знам да го заборавам тој дел и потоа ќе видам скинат кабел и ќе се сетам.

Сака ли галење? Кој член од семејството му посветува најмногу внимание?

Многу се гали и најмногу време поминува со мене.

Зошто ти се допаѓа зајчето како домашен миленик?

Затоа што е нежно, мало и преслатко животно.

На што треба да бидат подготвени луѓето доколку размислуваат да вдомат ваков миленик?

Да не го мешаат со друго животно, да имаат трпение додека си направи навики, да ги тргнат сите подраги предмети и кабли повисоко и да не се двоумат - зајчето е едно преслатко животно кое нема да му слушнете глас, а секогаш ќе го имате неговото внимание.

© CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело