Таткото на 7-годишниот генијалец Македон од Тетово: „Ние не го форсираме детето, тој сам научи да зборува 4 јазици, а математиката му е омилена“

„Најважно што треба да се нагласи е дека ние не го форсираме детето, тоа нас нѐ форсира“ – вели во изјава за CRNOBELO.com, таткото на 7-годишниот Македон Димитровски, Владимир. Македон има IQ 137, говори повеќе странски јазици, а освoи златен медал на натпревар по математика во кој учествуваа 4.000 учесници од 22 земји.

tatkoto-na-7-godishniot-genijalec-makedon-od-tetovo-nie-ne-go-forsirame-deteto-toj-postojano-n-impresionira-so-novi-znaenja-01.jpg

Македон Димитровски е 7-годишен генијалец од Тетово кој веќе говори повеќе јазици, меѓу кои германски, англиски, кинески и арапски, а решава математички задачи наменети за втора година средно образование.

Македон неодамна освои златен медал на натпреварот „Математика без граници“ во конкуренција на 4.000 други учесници од 22 земји во цел свет, кој што се организира преку менторите во училиштата.

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-03.jpg

Веста за младиот генијалец вирално се прошири, а таткото на Македон, Владимир, во изјава за CRNOBELO.com вели дека освен што се соочуваат со голем број позитивни коментари, исто така добиваат и негативни критики дека го форсираат непотребно детето.

„Најважно што треба да се нагласи е дека ние не го форсираме детето, тоа нас нѐ форсира. Ние сакаме да излегува и да си игра, но тој сака целосно да биде посветен на науката и на книгите“ – вели Владимир и појаснува дека Македон уште од 2-годишна возраст почнал да ги изненадува со информациите што ги имал, а на таа возраст почнал течно да чита и да пишува.

Родителите се обидуваат максимално да му обезбедат најнормално детство со прошетки, активности и излегувања, но Македон најмногу е заинтересиран за науките.

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-04.jpg

Македон во фази од четири до пет месеци е заинтересиран за една област и целосно е посветен на неа. Како што вели татко му, желбата на Македон за знаење е толку голема што тој оди и до најситните детали и информации, кои редовно сака да ги споделува и да им ги раскажува на најблиските.

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-08.jpg

Кинеските броеви до милион ги научил во еден час, и знае како се читаат, пишуваат и изговараат, а истото се случило и откако го пратиле на курс по германски јазик.

Ја усовршил астрономијата до тој степен што знаел сѐ за планетите во Сончевиот систем до најситен детаљ.

„Сѐ уште ја усовршува географијата, но сега почнува да пројавува интерес и за историјата. Тоа оди дотаму што тој раскажува како изгледало знамето на Авганистан пред 100 години и како се менувале знамињата, знае колкава површина зафаќала секоја од државите и иако се обидуваме да го заинтересираме за други работи со прошетки и излегување, тој дури и за време на прошетките ја користи можноста да ни раскаже што сѐ научил“ – раскажува Владимир.

Makedon uci matematika na poveke jazici

Posted by Vladimir Dimitrovski on Sunday, December 19, 2021

Сепак за Македон математиката е постојан интерес и постојано е заинтересиран за неа, а со оглед на тоа што во второ одделение тој веќе поседува знаење соодветно за втора година средно образование, неговите родители ангажирале професор по математика за да го насочи и да му даде предизвик.

„Најинтересено е што тој работи и учи повеќе работи истовремено. Едно следи на компјутер, друго на таблет, а трето пишува“ – раскажува Владимир.

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-06.jpg

На 4-годишна возраст родителите го однеле Македон на тестирање во еден центар за психологија, каде немало тест за таа возраст, па малиот генијалец решил тест за возраст од 7 до 14 години и било утврдено дека поседува коефициент на интелигенција IQ 134, а се очекува дека со текот на возраста тој коефициент ќе порасне до 145-150.

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-07.jpg

Само за споредба, во просек коефициентот на интелигенција кај луѓето се движи од 85 до 115, коефициентот од 120 до 140 се смета за „многу супериорна интелигенција“, а оние со IQ над 140 се генијалци.

Владимир раскажува дека кога го запишувале Македон во училиште, на тестот кај психолог веднаш им било понудено нивниот син да се запише во второ или трето одделение, но тие не прифатиле затоа што сметале дека е најважен емотивниот развој.

Погледнете повеќе фотографии од Македон во продолжение:

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-09.jpg

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-10.jpg

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-11.jpg

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-12.jpg

makedon-od-tetovo-e-7-godishen-genijalec-govori-stranski-jazici-a-bez-problem-reshava-matematichki-zadachi-za-2-ra-godina-13.jpg

 Б. С. Б. | Црнобело

Би можело да ве интересира:

Тино Шаботиќ од Куманово, специјален едукатор: „Родителите треба да ги знаат знаците на аутизам, ран... Тино Шаботиќ од Куманово е специјален едукатор и рехабилитатор кој им помага на ...
Дечко од Белград во име на љубовта се пресели во Скопје: „Се вљубив во Бисера - напуштив работа и ку... „Кога Бисера се врати во Скопје по тие 3 прекрасни денови во Белград, се разбуди...
Спасија Филипова – ликовен уметник: „Македонците сакаат авторски ликовни дела, но не може секој да с... „Интересот за ликовни дела кај Македонците е многу голем, но сметам дека, за жал...

Најчитани неделава

sonovnik-sidebar.jpg